Latest News

Sub-Hqrs. YMA budget pass

Serchhip Sub-Hqrs. YMA hnuaia rorelna sang ber dawttu, Serchhip Sub-Hqrs. YMA Coordination Committee (SCC) thutkhawm chu nimin khan neih a ni.


Serchhip Sub-Hqrs. YMA Conference Hall-a SCC thutkhawm hi Serchhip Sub-Hqrs. President Kawlthuama chuan kai-hruaiin kumin-ah hri leng avanga YMA Sub-Hqrs. Rorel Inkhawm neih theih a nih loh avanga hun engemaw chen tih khawtlai a nih hnuah kumin atana Budget Rs. 9,91,200/- chu pharh nih hnuah lungrual taka pawm a ni.

SCC Meeting hian Myanmar atanga Ser-chhip Sub-Hqrs. YMA huamchhunga raltlan rawn lut tanpuina pek chungchang pawh sawiho in Disaster Management Committee ten Branch tina raltlan awm dan zirchiangin ruahmanna siam nise an ti a, a tul dan a zirin Sub-Hqrs. YMA Area pawn lam te pawh tanpuina pek nise tiin Vawiin hian raltlan te tanpuina tura thawmhnaw an dawn tawh te pawh enfel nise an ti bawk.

Hei bakah hian Serchhip Sub-Hqrs. YMA huamchhunga tunhnaia COVID-19 hri kai mi thahnem tak hmuhna, Khawbel khua pawh a remchan dan angin tanpui nise an ti bawk a, hemi chungchang hi nimin vek khan SEC Member ten sawiho zui nghalin Vawiin hian lamkal intirin Khawbel khawtlang tan hian chawhmeh chi hrang hrang han hlan nghal nise an ti bawk.

Comments

Chhiar Hlawhte