Latest News

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

Hri kai 3900 aiin tam tawh

Serchhip District-a COVID-19 hri kai hmuhchhuah zawng zawng chu 3900 aiin an tam ta.

Nimin khan Serchhip District hmun hrang hrang ah COVID-19 hri kai hmuhchhuah mi 78 zet an awm belh leh a, an zinga 44 chu Serchhip niin Chhiahtlang-ah 9 hmuh an ni bawk a, Keitum ah mi 10, Thenzawl 11, Khawlailung-ah mi 2, Chhingchhip leh Bungtlang-ah mi pakhat ve ve te an ni.

Nimin khan Serchhip District-a hri kai te zingah mi 107 zet enkawl dam an awm belh ve leh bawk a, heti hian nimin tlai thlenga Serchhip District-a COVID-19 hri kai hmuh tawh chu 3904 niin an zinga 3181 te chu enkawl dam an ni tawh a, hri kai hmuhchhuah zinga za zela 81.48 te chu enkawl dam ni tawhin hri kai enkawllai erawh 714 lai an la awm thung a, hri kai zingah mi 9 an boral tawh bawk a ni.

Comments

Chhiar Hlawhte

Book of the Year hlan