Latest News

Inkaihhruaina hman zui tur

Serchhip District Bawrhsap Kumar Abhishek chuan nimin khan thupek tichhuakin COVID-19 hri leng hluar zel laka mipuite him theihna tura tun thla ni 2-a inkaihhruaina thupek lo tihchhuah tawh chu Oct. 17, 2021 atanga Oct. 30, 2021 zanlai dar 12:00 thleng Serchhip District-ah hman chhunzawm tur a nih thu a tarlang.

Bialtu MLA in hri kai hmuh tamna Khawbel a tlawh

Tunhnaiah Serchhip District-a Khawbel khua ah COVID-19 hri kai hmuhchhuah thahnem tak awmin nimin khan bialtu MLA leh Assembly Deputy Speaker Er. Lalrinawma chuan Khawbel khua hi a tlawh a, VC leh VLTF te nen inkawmna an nei.

Khawbel YMA Information Centre-a an inkawmna hunah hian bialtu MLA chuan hun rei tak chu VLTF leh khawtlang mipuite inpekna avangin Khawbel chu hri lakah an him tih sawiin, tunhnaiah hri kai hmuhchhuah awmin hri hian luh-chilh mah se khawtlang mipuite thuawihna leh thawhhona tha tak avangin an la inenkawl theih zel thu leh thlamuanthlak a tih thu a sawi a. Hri hian eng chen nge min la chim zel dawn tih a hriat loh avangin fimkhur tak leh sawrkar dan siam (SOP) te tha taka zawm zel a tul thu sawiin, hri leng do kawngah thawhhona tha a pawimawh tih hriaa theihtawp chhuah zel turin a sawm bawk.

Khawbel khua ah hian Sample 108 en-fiah ni tawhin hri kai mi 54 hmuh an ni tawh a, khawtlang hruaitute nen inkawmna an neih zawh hnu hian bialtu MLA hian Khawbel 4C atana an hman mek RMSA High School tlawhin, hri kai enkawlna indaihlohna awm palh thei a nih avangin Govt. Middle Schhool pawh khawtlang hruaitute nen hian an en zui nghal a, bialtu MLA chuan a tul apiangah theihtawp a chhuah zel dawn thu a sawi bawk a ni.

Comments

Chhiar Hlawhte