MSU in Zirlaite hnenah Smartphone an sem

Mizo Student Union (MSU) Regional Hqrs. Lunglei chuan BPL leh AAY zirlai naupang te hnenah nimin khan a thlawnin Smartphone an sem.

Smartphone semna puala inkhawm Lunglei Press Club-a neih hi Lunglei SP, Rex Zarzoliana Vanchhawng chuan hmanpuiin, Zirlai Pawl kan ni emaw, thildangah kan inhmang emaw pawh nise kan theihtawp kan chhuah hian ram tan kan tangkai a ni tiin, MSU ten zirlai harsa zawkte tana Smartphone an sem theihna tura hmalatu Lunglei DC fakawm a tih thu leh DC in hetianga hma a lak theihna tura ngaihtuahna sengtu MSU hruaitute fakawm a tih thu a sawi bawk.

Nimin-a Smartphone semna ah hian dawng tura thlan mi 46 zing atangin mi 15 hnenah sem niin a bak hi a remchan dan angin sem chhunzawm nghal a ni ang.