Latest News

Hri kai 69 hmuh leh an ni

Nimin khan Serchhip District-ah COVID-19 hri kai mi 69 hmuhchhuah belh leh niin mi 70 enkawl dam an ni thung.

Nimin-a Serchhip District-a hri kai hmuhchhuah mi 69 te hi Rapid Antigen Test hmanga hri kai hmuhchhuah te niin TrueNat Laboratory-a Sample enfiah erawh an result hriat ala ni lo thung. Niminpiah khan Ser-chhip District-ah hian TrueNat Laboratory atangin hri kai mi 3 hmuhchhuah an ni thung.

Serchhip District-a COVID-19 hri kai enkawl zingah nimin khan mi 70 te chu enkawl dam an ni ve leh a. Heti hian nimin tlai dar 5:00 thleng khan Serchhip District-a hri kai hmuh tawh chu 2788 niin an zinga 2233 te chu enkawl dam an ni tawh a, hri kai enkawllai 549 awmin nunna chan mi 6 an awm tawh a ni.

Comments

Chhiar Hlawhte