Latest News

Tha lehzuala Tam Dil enkawl turin hmalak a ni

Environment Forests & Climate Change Department changtu Minister TJ. Lalnuntluanga chuan tha lehzuala Tam Dil enkawl a nih theih nan leh mipuiin an hlawk pui zawk theih nan Integrate Management Plan buatsaih a nih thu a sawi.

India ramin zalenna a neih kum 75-na lawmna kal zelah EF&CC Department in Azadi Ka Amrit Mahotsav Iconic Week 2021 an buatsaih hawnna nimin-a Tam Dil-a an buatsaih ah he thu hi sawiin EF&CC Minister chuan Tam Dil bul vel ramngaw that avang te leh khualzin hip theitu tha tak a nih avangin State Forest Department chuan Tam Dil venhimna leh tihhmasawn nan hma a la reng tih a sawi a. Tha lehzuala Tam Dil enkawl a nih theih nan leh mipuiin an hlawk pui zawk theih nan EF&CC Department chuan a huhova enkawl dan tur, Integrate Management Plan buatsaihin State Wetland Authority in a pawm hnuah tunah hian Ministry of Environment, Forest & Climate Change hnuaia peng pakhat, National Plan for Conservation of Aquatic Ecosystems (NPCA) chuan a pawm fel tawh thu a sawi a. Tam Dil in hma a sawn theihna turin Tourism leh Fisheries Department te nen thawhhona tha an neihna turin hma an la mek tih a sawi bawk.

Tam Dil chhehvel khaw mipui tan eizawnna ngelnghet zawk siam sak turin kumhlun thlai chingte tanpuina chhungkaw 206 hnenah cheng nuai 103 man hu pek tum a nih thu leh kum 4 dang la pek zel tum a nih thu pawh sawiin, helai hmun tihchangtlunna tura hmalakna hrang hrangte pawh a sawi a. Tam Dil hmangaihtu (Wetland Mitra) te hmalak tawhna fakin theihtawp chhuah chhunzawm turin a chah bawk.

Comments

Chhiar Hlawhte