Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Hri leng karah Zan lam inkhawm phal a ni dawn ta

Mizoram sawrkar chuan October 31, 2021 atanga November 30, 2021 zanlai dar 12:00 thlenga hman tur COVID-19 hri leng laka inkaihhruaina tur a tichhuak ta a, zan lamah pawh Sakhaw biak inkhawm neih theih a ni tawh dawn a ni.

Nimin-a Mizoram Chief Secretary leh State Executive Committee-a Chairman ni bawkin thuchhuah a siama a tarlan danin AMC Area pawn lamah chuan Deputy Commissioner (DC) ten an District chhunga COVID-19 hri len dan dinhmun azirin inkaihhruaina an siam thei ang tih tarlangin, Sakhaw Biak inkhawm leh Inkhawmpui chungchangah CAB khauh taka zawm chungin chhun leh zanah Biak In-a leng zat chanve (50% seating capacity) aia tam lovin Kohhran Inkhawm pangngai neih phal a ni a, zing leh tlai tawngtai inkhawm pawh phal a ni bawk. Kohhran Inkhawmpui chhun lamah neih phal niin Inkhawmpui neihna hmun Biak In-a leng zat chanve (50% seating capacity) tel phal a ni a, CAB khauh taka kenkawh leh zawm tur niin a thlengtu Kohhran-in VLTF te phungbawma sawmin CAB/SOP Implementation Committee an din anga, Tlai lam ruai buatsaih loh tur niin inkhawmna ah zai phal a ni lo bawk.

Zirna In hawn chungchangah Deputy Commissioner (DC)-in District Level-a H&FW Department/School Education Department/H&TE Department/Social Welfare Department (WCD) hotute leh VLTF te berawnin zirna In (educational institutions) an hawng thei anga, a concerned Department ten inkaihhruaina (SOP) an siam angin an kal ang tih tarlan a ni bawk.

Heng bakah hian Mizoram pum-a inkaihhruaina hman tur tarlan ah District Magistrate ten zan curfew (9:00 PM to 4:00 AM) puangin CrPC Section 144 hmangin Order an chhuah anga, State Level Expert Team on COVID-19 Management-in a rawt angin mipui nghawng tam lo thei ang berin Deputy Commissioner ten an District chhungah Micro Containment Zone emaw inkhuahkhirhna dang a tul dan azirin colony/building/apartment chauh huamin an puang thei anga, Micro Containment Zone emaw inkhuahkhirhna dang emaw puanah te chuan Deputy Commissioner-in thupek a siamte khauh taka zawm tur a ni bawk ang.

AMC huamchhungah chuan Class X leh XII Board Exam turte chu School Education Department thuchhuak angin CAB tha taka zawm chungin School leh Hostel hawn phal a ni a. Hemi atana hman tur SOP chu School Education Department-in a ruahman ang. Sumdawnna hmun, puipun khawmna Picnic Sspot, Cinema Hall, Gym leh Indoor leh Outdoor Games tihna hmun te hawn phal a ni a, a kal zat tur erawh bituk a ni thung.

Comments

Popular News (Last 30 Days)