COVID-19 hri kai In lama inenkawl dan tur kaihhruaina thar tihchhuah a ni ta

COVID-19 hri kai In lama inekawl turte tana inkaihhruaina thar State Level Expert Team on COVID-19 Management Team-in rawtna a thlen chu Mizoram sawrkarin pawmin tun thla ni 18-a Order tihchhuah a nih atangin he inkaihhruaina hi hman nghal tura tih a ni.

Inkaihhruaina tharah hian COVID-19 kai In lama inenkawl tur chuan an In-ah inkhunghranna (Isolation/Quarantine) hmun, pindan hranpa leh bual In hranpa, mi dangin an tawmpui loh tur a nei ngei tura tih a ni a. Hemi atan hian Local/Village Level Task Force te hriatpuina lehkha a awm tur a ni a. Pindan hran leh bual In hran neilo te Home Isolation ngai an awm a nih chuan, an chenpuite chu Test nghal loh tur a ni a. An chenpuite chu symptom nei lo an nih chuan, (an chhungkaw member positive tih hriatchhuah hnuhnun ber atanga chhiara) ni 10-na ah RT-PCR/TrueNat hmanga test tur a ni ang. Symptom nei an nih erawh chuan ni 10 ralhma pawhin RAgT hmanga test nghal tura tih a ni.

COVID-19 hri kai te chu natna langchhuak lo emaw, natna langchhuak nasa lo emaw te chu In lama inkhunghrang tura tih niin, sawrkarin In a inkhunghrang te tana inkaihhruaina khauh tak a ruahman chu zawm tura tih an ni thung a. COVID-19 hri kai zinga COVID Care Facility-ah a awm a nih chuan, a chenpui a chhung te'n hri kai te chhui zui tura inkaihhruaina dan zawm tura tih an ni bawk.

Hei bakah hian hri kai natna na zual nei te, Khawsik sang, Khuh nasa, Thawhah nei, Kawthalo, BP Sang leh Awmchhung na neite chu Dedicated COVID Health Centre (DCHC) emaw, Dedicated COVID Hospital (DCH)-ah dahluh tura tih an ni bawk.

Chief Medical Officer zawng zawng te chu an huamchhunga High Risk Group-a tel chi, nu nau pai te, kum 60 aia upa te, natna benvawn nei te chu a bik taka thlithlai reng tura tih an ni a. High Risk Group chenpuite pawhin mahni In chhungah CAB tha taka zawm theuh tura tih an ni bawk.

Comments

Popular News (Last 30 Days)

Serchhip DCSO sawn a ni