Tour de Hmuifang Cycling Competition neih a ni

India Hnampa Mahatma Gandhi piancham pualin Inrinni khan ‘Tour de Hmuifang Cycling Competition’ chu neih a ni.

Tourism Department in Mizoram Cycling Association nen tangkawpa an buatsaih ‘Tour de Hmuifang Cycling Competition’a tel te hi Mualpui Zero Point atangin Tourism, Sports & ICT Development Board Vice Chairman TC. Pachhunga chuan vailiamin Aizawl, Lunglei, Kolasib, Champhai, Serchhip leh Saitual atangin Rider 72 an tel a, COVID-19 avanga Tourism Sector a thih mai loh nan leh Tourism promote nana buatsaih a ni.

Tour de Hmuifang hi Category pahnih, kum 35 hnuai leh kum 35 chunglam tana siam niin kum 35 hnuai lamah Mesak Vanlalvena, Sihfa khua chuan darkar 2:14-ah thlengin pakhatna a ni a, nikum lama record a lo siam tawh chu a khum a. Kum 35 chunglam ah Lallawmsanga, Mission Veng chu pakhatna a ni bawk. He Competition ah hian Dr. Malsawmkima, kum 52 chu rider zing a upa ber a ni a, Lalramluahpuia Zote kum 12 chu a naupang ber ni thung.