Serchhip Dist-ah 4C 25 awm

Serchhip District-ah COVID-19 hri kai hmuh belh zel a nih avangin khawtlang in hri kai enkawlna tur hmun an ruahman, Community COVID Care Centre (4C) 25 lai siam a ni tawh.

Tunhnaiah Serchhip District chhung khaw thenkhat ah COVID-19 hri kai hmuhchhuah belh an nih zel avang hian khawtlang enkawl hri kai te enkawlna tur hmun hi siam belh zel a ni a, khaw thenkhat ah 4C an neih sa bakah siam belh awm bawkin tun dinhmunah 4C hi 25 a awm mek nia thudawn a ni a. Heng zinga 7 te chu Serchhip Town chhung ami niin Serchhip Town chhung, Chhiahtlang-ah hian 4C pakhat ruahman thar leh niin sawrkar in a chhianchhiah zingah erawh ala tello thung a ni.

Heng bakah hian 4C hi Khawbel-ah 4 awmin Keitum-ah 3 a awm bawk a, Chhing-chhip, East Lungdar leh Thentlang-ah 2 theuh awmin North Vanlaiphai, Thenzawl, Bungtlang, Lungpho leh Khawlailung-ah 4C pakhat theuh a awm bawk a ni. Heng 4C siam te hi khawtlang enkawl a nih angin an kalpui dan pawh a inang chiahlo a, thenkhat ah chuan hri kai te ei leh in tur pawh khawtlang in an tum sak vek a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result