Latest News

Hri kai thar 68 leh dam thar 106 awm belh

Nimin khan Serchhip District-ah COVID-19 hri kai mi 68 zet hmuh belh leh an ni a, hri kai te zingah mi 106 zet enkawl dam an awm thung. 

Nimin-a Serchhip District-a hri kai hmuh thar te zinga mi 27 te hi Serchhip khawpui chhung ami te an ni a, heng bakah hian Keitum-ah hri kai mi 15 hmuh belh niin Chhiahtlang-ah mi 11 lai hmuh an ni bawk a, Thenzawl-ah hri kai mi 6, Khawbel-ah mi 5 leh Chhingchhip-ah mi 4 hmuh belh an ni bawk. Serchhip District-a True-Nat Laboratory chu Servicing tih mek a nih avangin niminpiah atang khan Sample enfiah a awm rihlo a ni.

Hetihlai hian nimin khan Serchhip District-a hri kai enkawllai mi 106 zet te chu enkawl dam niin anmahni enkawlna hmun atanga chhuah-tir an ni a, an zinga mi 46 te chu tunhnaia Khaw-bel khua atanga hri kai hmuhchhuah te kha an ni a. Khawbel-ah hian hri kai 148 hmuh ni tawhin an zinga 71 te chu enkawl dam an ni tawh a, hri kai enkawllai 77 an la awm mek a ni. 

Heti hian nimin tlai thleng khan Serchhip District-a COVID-19 hri kai hmuhchhuah chu 3755 niin an zinga 2963 te chu enkawl dam an ni ta a, hri kai hmuhchhuah atanga za zela 78.90 te chu enkawl dam an ni tawh a. Hri kai enkawllai 775 la awmin Mizoram District hrang hrang zingah Serchhip District chu hri kai enkawllai tam lamah pahnihna niin Serchhip District aia hri kai enkawllai tamna hi Aizawl District chiah a awm tawh a ni.

Comments

Popular News (Last 30 Days)