Hri kai 79 hmuh belh leh

Serchhip District-a COVID-19 hri kai an la pung zel a, nimin khan hri kai mi 79 lai hmuh belh leh niin mi 89 zet enkawl dam an awm belh thung.

Nimin khan Serchhip District-ah Rapid Antigen Test hmangin hri kai mi 79 te hi hmuh an ni a, an zinga mi 49 zet chu Serchhip khawpui chhung ami te an ni a, Keitum-ah pawh hri kai mi 11 hmuh niin Thenzawl leh Chhingchhip-ah hri kai mi 8 ve ve hmuh ni bawkin Khawlailung ah hri kai mi 2 hmuh an ni a, Bungtlang-ah hri kai mi pakhat hmuh a ni bawk.

Hetihlai hian Serchhip District-ah hian hri kai enkawl dam an pung ve zel a, nimin khan mi 89 zet te enkawl damin anmahni enkawlna hmun atanga chhuahtir an ni leh bawk. Heti hian nimin tlai dar 5:00 thleng khan Serchhip District-a hri kai hmuhchhuah chu 3437 niin an zinga 2727 te chu enkawl dam an ni tawh a, hri kai hmuh atanga zaa 79.34 te chu enkawl dam ni tawhin tunah hian hri kai enkawllai 703 an awm a, hri kai zingah mi 7 an boral tawh a ni.