Hri kai mi 83 hmuh belh leh

Nimin khan Serchhip District-ah COVID-19 hri kai mi 83 zet hmuhchhuah leh niin hri kai mi 72 enkawl dam an ni thung.

Nimin-a Serchhip District-a hri kai zingah hian mi 55 zet chu Ser-chhip khawpui chhunga hri kai hmuhchhuah an ni a, an zinga mi 15 te chu Dinthar Veng ami te niin Vengchung-ah hri kai mi 11 hmuh an ni a, AOC Veng-ah hri kai mi 7 hmuh ni bawkin IOC Veng-ah mi 5, New Serchhip leh Chhim Veng-ah mi 4 ve ve, Bazar, Ramthlun Veng leh Chanmari Veng-ah hri kai mi pathum theuh hmuh an ni bawk a, a bak hi khaw dang-a hri kai hmuh te an ni.

Nimin khan Serchhip District-a hri kai mi 73 lai chu enkawl dam niin anmahni enkawlna hmun atangin chhuahtir an ni ve leh bawk a, heti hian nimin tlai thlenga Serchhip District-a hri kai hmuhchhuah chu 2574 niin an zinga 2034 te chu enkawl dam an ni tawh a, tunah hian hri kai enkawllai 575 la awmin hri kai zingah mi 5 an boral tawh bawk a ni.