Hri kai 2600 aiin tam tawh

Serchhip District-a COVID-19 hri kai hmuh tawh chu mi 2600 aiin an tam ta.

Niminpiah khan Serchhip District-a TrueNat Laboratory-ah hri kai mi 8 lai hmuh belh leh niin nimin khan hriat theih theih chinah hri kai mi 20 hmuh belh an awm leh bawk a, an zinga mi 19 te chu Serchhip Town chhung ami niin Serchhip Vengchung-ah mi 6, IOC Veng leh Chhiahtlang-ah mi 3 ve ve, Bazar Veng leh Venglai-ah mi 2 ve ve leh Chan-mari Veng, Dinthar Veng leh Saron Veng-ah hri kai mi pakhat theuh hmuh an ni a. Hei bakah hian Chhingchhip leh Keitum-ah hri kai mi pakhat ve ve hmuh an ni bawk.

Serchhip District-a hri kai zingah nimin khan mi 53 te chu enkawl dam niin anmahni en-kawlna hmun atangin chhuahtir an ni bawk a. Heti hian nimin thleng khan Serchhip District-a hri kai hmuhchhuah chu 2604 tling tawhin an zinga 2084 te chu enkawl dam an ni tawh a, hri kai hmuh atanga za zela 80.03 te chu enkawl dam niin tunah hian hri kai enkawllai 515 an la awm mek a, hri kai zingah mi 5 an boral tawh a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man