Serchhip District Cricket League tan

Serchhip District Cricket League 2021 chu nimin khan DC Playground, Khawtetlang-ah khelh tan a ni ta.

Tarlan tawh angin Cricket Association of Serchhip District in an buatsaih Serchhip District Cricket League 2021-ah hian Cricket Club 4 telin Tuikhuah Veng Cricket Club (TVCC), Hmar Veng Cricket Club (HVCC), AOC Cricket Club (AO3C) leh Serchhip Cricket Club (SCC) te an ni a, T20 Format-a khelh niin Over 20 zela khelh a ni a, nimin-a inkhel hmasa zawkah TKCC leh HVCC intum in, TKCC hian wicket 8 in hnehna an chang a, Man of The Match atan TKCC player C. Zoramthara chu thlan a ni a, run 27 siamin wicket 2 ala a ni.

Inkhel hnuhnung zawkah AO3C leh SCC inhmachhawn ve lehin SCC in bat hmasa in Over 18.5-ah run 164 vawchhuakin an Out vek a, an target hi AO3C hian Over 16.5-ah um phakin Wicket 9 in hnehna an chang a, MOTM atan Kumar Abhishek (AO3C) chu thlan a ni bawk.

Serchhip District Cricket League hi Vawiin ah khelh chhunzawm a ni anga, inkhel hmasa zawk zing dar 9:00-ah Hmar Veng CC leh Serchhip CC te inhmachhawnin chhun dar 12:30-ah Tuikhuah Veng CC leh AO3C te an inhmachhawn ve leh bawk ang.

Tun tuma Serchhip District Cricket League-ah hian inkhelh apiangin a chak zawkin Rs. 2000/- dawngin a chaklo zawkin Rs. 1000/- an dawng a, Man of the Match hian Trophy an dawng bawk a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man