Latest News

Sawrkar rilru tereuhte nei kan hrawn - Lalsawta

MPCC Vice President Lalsawta chuan Hawrawp te-a ziak niawm taka sawrkar rilru tereuhte nei MNF sawrkar kan hrawn mek niin a sawi.

Tuirial Bial chhung Bukpui leh Khamrang khua a Congress Party zawm thar lawmluhna hun nimin-a neih ah MPCC Vice President chuan he thu hi sawiin, “Hawrawp te-a ziak niawm taka sawrkar rilru tereuhte nei MNF sawrkar kan hrawn mek a. Hei hi kum 2023 MLA General Election-ah hawrawp pui-a ziak, awmze neia kal thin Congress Party hian kan thlak a ngai a ni,” tiin Inkhualtelemna atana kan ram neih chhun, Mizoram hman chu an Party chuan an remti lo tih a sawi a. “Kum 2023 hian sawrkar tak tak, naupang chhe sawrkar ni lo hi siam kan tum a. Chuvangin, Party hrang hranga awm mekte pawhin kan Party hi min rawn zawm zel turin kan sawm che u a ni,” a ti.

MPCC Vice President chuan ram hruaitu chuan dawt an sawi mai mai tur a ni lo tih pawh sawiin, “Mipui hi thudik-a hruai tur a ni a, mipui tan a kha deuh rih a nih pawhin kan thatna tur a nih chuan ram hruaitu tha chu kan kaltlang ngam tur a ni,” a ti a. Congress Party chuan that loh theih lohna bawm an siam dawn tih pawh he hunah hian sawiin, “Mipui hruai theih hruaitu ni lo a, mipui hruai thei hruaitu tha kan neih chuan kan ram pawh hi awlsam taka tha mai thei a ni tih kan hria,” a ti bawk.

Comments

Popular News (Last 30 Days)