Latest News

Aizawl New Market building sak hna thawk mek

Aizawl New Market-a building sak that mekah Lushai Engineers Pvt. Ltd te hmalakna chin (foreign lane tia sawi thin), cheng nuai 3,641 senna tur ruahman ah hna thawh tur zaa 30 vel thawh a ni tawh.

Chhungkaw 2,000 chuangin eizawnna atana behchhana an hman New Market a building sak that mek chungchangah hian Commerce & Industries Department hnuaia Contractor, Lushai Engineers Pvt. Ltd hotute chuan Covid leh sum harsatna in nasa taka a tihbuai thu an sawi a, tun dinhmunah building pahnih sa mekin, hei hi a lai-a building sak leh tur nen zawm a ni dawn a, tun dinhmun ah hna thawh tur atanga 30% bawr vel thawk tawh ah an inngai a, hna zawhfel hun tur sawi mai theih a ni rih lo thung.

Hetihlai hian New Market Main building thiahna hmuna chawhmeh zuarte thutna tur, Smart City Projects Limited sum hmanga building sak tur chu hnathawh tan hun tur sawi theih a la ni lo a, thudawn danin, Detail Project Report (DPR) siam niin, hei hi pawm a nih hunah Tender chhuah a hnathawktu (contractor) thlan tur a ni dawn a, DPR-ah hian cheng vbc. 34 vel ruahman a ni.

Comments

Chhiar Hlawhte