PPIUD chungchang zirhona Serchhip-ah neih a ni

Nu nau nei ten nau an neih atanga darkar 48 chhunga indanna atana Copper-T an vuahna tura hmalakna thar chungchang inhrilhhriatna chu nimin khan Serchhip Press Club-ah neih a ni.

Sawrkar laipui ruahmanna hnuaia rampum a kalpui mek, Postpartum Intrauterine Contraceptive Device (PPIUD) chungchang zirhona Serchhip Press Club-a neih ah hian Dr. Laltharzeli Fanai leh Remsangpuii Staff Nurse ten Serchhip District chhunga CHC leh PHC-a Staff Nurse te zirtirna an pe a, he hunah hian tunhma lama nu nau nei ten nau an neih atanga chawlhkar 6 hnua indanna atana Copper-T an vuah thin chu tunah chuan Programme thar duanchhuah niin nau neih atanga darkar 48 chhunga vuah tawh tur a ni a. He ruahmanna thatna leh pawimawhna hrang hrang te he hunah hian zirho niin Copper-T vuahtute enkawl chhunzawm dan tur leh Counselling neih dan turte pawh zirho a ni. He ruahmanna hnuaiah hian Nu, Copper-T vuah te chu Rs. 300/- leh a dahtute chu Rs. 150/- zel pek an ni ang.