Hri kai 57 hmuh belh leh

Nimin khan Serchhip District-ah COVID-19 hri kai mi 57 hmuh belh leh an ni a, hri kai mi 51 te enkawl dam an ni leh bawk.

Nimin a Ser-chhip District-a Rapid Antigen Test hmanga hri kai hmuhchhuah mi 57 zinga 49 te hi Serchhip Town chhunga hri kai hmuh te niin Chhiahtlang ah hri kai mi 9 hmuh niin Vengchung-ah mi 6 hmuh belh an ni a, Leisang Veng-ah 5, IOC Veng, Dinthar Veng leh Venglai-ah 4 theuh, Zozam Veng leh New Serchhip-ah 3 ve ve, Tuikhuah Veng, Chhim Veng leh Bazar Hnuai-ah pahnih theuh leh Bazar Veng, Chanmari Veng, Darnam Veng, Field Veng leh AOC Veng-ah hri kai mi pakhat theuh hmuh an ni bawk. Heng bakah hian Thenzawl-ah hri kai mi 6 hmuh niin Chhingchhip-ah hri kai mi 2 hmuh an ni bawk.

Serchhip District-a hri kai enkawl zingah nimin khan mi 51 te chu anmahni enkawlna hmun atanga chhuahtir an ni ve leh bawk a, heti hian nimin tlai thlenga Serchhip District-a hri kai hmuh chu 2713 niin an zinga 2163 te chu enkawl dam an ni tawh a, tunah hian hri kai enkawllai 544 la awmin hri kai zingah mi 6 an boral tawh bawk a ni.

Hri kai boral awm belh leh :

Serchhip District-a COVID-19 hri kai en-kawllai R. Vanbuka (71), Thenzawl chu nizan hmasa khan DCHC, Serchhip-ah a boral. Thu-dawn danin R. Vanbuka hian Sept. 20, 2021 khan COVID-19 hri a kai tih hmuhchhuah a ni a, hun engemaw chen enkawl a nih hnuah Oct. 6 khan DCHC Serchhip-ah hian admit a ni a, admit a nih zan hian dar 10:20 velah a boral zui ta a ni. Heti hian Serchhip District-a hri kai zingah mi 6 an boral ta a ni.