Chanchin thar thenkhat :
CM in lungphum a phum
Posts
Health Minister in Mizoram mamawh a thlen
Ministry of AYUSH buatsaihin ‘Webinar on National AYUSH Mission & Opera-tionalization of AYUSH Health & Wellness Centres under Ayushman Bharat’ chu nimin khan neih niin Mizoram atangin Health Minister, Dr. R. Lalthangliana pawh a tel a ni.
Dist. hrang hrang dinhmun
Autonous District Council huamchhung tihloh Mizoram District hrang hrangah Village Council (VC) inthlan hun tur hriat la ni lo mah se niminpiah khan District hrang hrangah VC inthlanpui-a hman tur Electoral Roll tlangzarh a ni.
Mizoram-ah hri kai 3 hmuh belh; 17 an dam thung
Niminpiah-a Mizoram-a Swab Samplen enfiah atangin COVID-19 hri kai mi 3 hmuh belh leh an ni a, Mizoram-a hri kai hmuhchhuah chu 398 an tling tawh.
Chief Minister in ZIDCO Office a tlawh
Chief Minister Zoramthanga chuan nimin khan Aizawl-a Zoram Infrastructure and Industrial Development Corporation Ltd. (ZIDCO) Office tlawhin ZIDCO-a thawktute chu Mizoram hmasawnna atana mawhphurhna lian tak an neih thu a sawi a, thahnemngai taka thawk turin a fuih bawk.
Serchhip SDPO sawn
Serchhip-a Sub-Division Police Officer (SDPO), Victor Zothansanga chu Dy. SP, Airport Security hna chelh tura sawn a ni a, a aiawh tur erawh dah an la ni rihlo thung.
Hna chanpual siam danglam
COVID-19 chungchanga Serchhip DC Office-a Officer te hna chanpual chu siam danglam niin Serchhip District atanga State pawna chhuak tur leh rawn lut tur Movement Permit mamawh te tan Dr. Manesia Khaimeichho, SDC bial tur niin a Phone No. chu 8416048257 a ni a. Quarantine Facilities kaihhnawih thilah F. Lalnisai, SDC biak tur niin a Phone No. chu 7048922407 a ni bawk ang.
Serchhip-ah p-MPSE hawng
Serchhip District chhunga ‘Programatic-Mapping and Population Size Estimation-2020’ (p-MPSE) kalpui turin nimin khan Serchhip CMO, Dr. Laldawngliana Sailo chuan a hawng.
TKP dinchampha hmang
Nimin July 30, 2020 kha Baptist Church of Mizoram (BCM) hnuaia Thalai Kristian Pawl (TKP) dinchampha vawi 69-na niin kumdang anga a lawmna erawh neih theih a nilo thung.
Serchhip District-a COVID-19 hri kai enkawl mi 5 damin mi 4 te chhuahtir an ni
Dedicated COVID Health Centre (DCHC) Serchhip-a COVID-19 hri kai enkawllai mi 5 te chu hri lakah an fihlim vek ta a, an zinga mi 4 te chu nimin khan DCHC atang hian chhuahtir an ni.
Hualtu khua Green House Cluster-a Tomato chin hralhchhuah turin Dy. Speaker in a vailiam
Horticulture Department hmalakna a Serchhip District chhung, Hualtu khua in Green House Cluster-a Tomato an chin chu nimin khan a rah sengin hralh tura thawnchhuah a ni a, he hun hi bialtu MLA leh Assembly Deputy Speaker, Er. Lalrinawma chuan a hmanpui a ni.
MzSRLM hmalakna in Serchhip District-ah loneitute bungraw mamawh semchhuah a ni
Mizoram State Rural Livelihood Mission (MzSRLM) Serchhip District hmalakna in nimin khan Serchhip District chhung khaw 5-a Village Organisation (VO) te hnenah loneitute mamawh bungrua hrang hrang vailiam a ni.
Serchhip District-ah VC 54 awmin Vote nei 47,070 an awm dawn
Village Council inthlanpui neih tura hman tur Serchhip District chhunga Electoral Roll siam thar chu nimin khan tlangzarh a ni ta a, Serchhip District-ah Village Council 54 awmin VC seat 236 a awm dawn a, Vote nei thei mi 47,070 an awm dawn a, Vote ni thei zingah hmeichhia an tam zawk a ni.
Serchhip-ah Independence Day hman dan tur rel
Thla thar August 15-a India Independence Day lo thleng tur lawm dan tur ngaihtuahin nimin chawhnu khan Serchhip District Bawrhsap, Kumar Abhishek hovin sawrkar mi pawimawh te leh tlawmngai pawl an thukhawm a, kumin hian sawmbik te nen he Ni hi hman tur a ni ang.
Tomato hralhchhuak dawn
Horticulture Department bultuma Hualtu ram, Dilphaizawl ram-a Tomato chin chu Vawiin hian seng-in hralh tura thawnchhuah a ni dawn a, he hun hi bialtu MLA leh Assembly Deputy Speaker ni bawk, Er. Lalrinawma chuan a hman-pui dawn a, Serchhip atang pawhin District Bawrhsap, Kumar Abhishek pawhin a hmanpui bawk ang.
Bialtu MLA in sumfai hlan
Serchhip-III Village Council ten an huam-chhunga Hmeithai pahnih chenna In an sak mek tanpuina atan Serchhip bialtu MLA, Lalduhoma chuan nimin khan Serchhip-III VC te hnenah Rs. 20,000/- a hlan a, bialtu MLA hi damlohna avanga Damdawi In-ah enkawl a nih mek avangin a aiawhin ZPM Serchhip Chhim Veng Unit hruaitu ten Serchhip-III VCP, PC. Siamliana hnenah sum hi an hlan a ni. Serchhip bialtu MLA, Lalduhoma hi dam-lohna avanga tun thla ni 20-a Ebenezer Hospital-ah dahluh a nih hnuah nimin khan damdawi In atang hian dma taka chhuahtir a ni bawk.
Sample 15 thawn leh a ni
Nimin khan Serchhip atangin Swab Sample 15 te chu enfiah tura thawn leh niin nizan khan result pawh hriat nghal tura ngaih a ni. Serchhip CMO Office atanga thu kan dawn danin Serchhip District chhung inkhunghranna hmun hrang hranga inkhunghrang mi 15 te Swab Sample chu nimin khan enfiah turin ZMC Laboratory-ah thawn a ni a, heng zingah hian Serchhip leh Thenzawl-a COVID-19 hri kai enkawllai te Sample pawh telin an zinga thenkhat hi chu hri an kai tawhlo a nih chuan chhuahtir theih tawh tura beisei a ni. Nimin thleng khan Serchhip District-ah inkhunghrang mi 80 an la awm mek a, mahni In lama inkhunghrang mi 45 te chu nimin khan chhuahtir vek niin mahni In lama inkhunghrang an awm ta lova, sawrkar in inkhunghranna tur a siam-ah mi 6 inkhunghrang awm tharin sawrkar hmunhma ah mi 64 an inkhunghrang mek a, Tourist Lodge, Serchhip-ah mi 11, P&E Rest House, Bukpui-ah mi 7, Sainik School Chhingchhip-ah mi 12, Tourist Lodge, Thenzawl-ah mi 11 leh Eklavya Model Residential School, Serchhip...
Mobile Food Testing Laboratory (Food Safety on Wheels) hman theih turin tlangzarh a ni
Health Minister, Dr. R. Lalthangliana chuan Mobile Food Testing Laboratory (Food Safety on Wheels) chu nimin khan Aizawl-a MINECO kawtzawl-a Programme buatsaihah mipui hman theih turin a tlangzarh a. Hmun hrang hranga kal kual thei ei leh in tur enfiahna chu tangkai taka hman a nih a beisei thu a sawi bawk.
Minister in lungphum phum
Sports & Youth Service Minister, Robert Romawia Royte chuan nimin khan Muallungthu Hockey Ground-a Synthetic Turf phahna tur lungphum a phum.
Mizoram-ah hri kai 23 hmuh belh leh an ni
Niminpiah-a ZMC Laboratory-a Sample enfiah te atangin COVID-19 hri kai mi 23 hmuh belh leh an ni a, an vai hian Aizawl District mi leh sa vek an ni.
Dan bawhchhia man tam tawh
Mizoram-a The Mizoram (Containment and Prevention of Covid-19) Ordinance, 2020 hman tan, May 4, 2020 atanga nimin thleng khan Mizoram-ah he Dan bawhchhia hi mi 28,060 man an ni tawh a, heng mite pawisa chawi tlingkhawm pawh Rs. 50,57,500/- a tling tawh bawk a, Dan bawhchhia zingah hian Mask hmanglo an tam ber a ni.
Serchhip District-a hri kai enkawl mi 2 an dam leh
Serchhip District chhunga COVID-19 hri kai enkawl mi 2 te chu enkawl dam an nih hnuah nimin khan chhuahtir an ni.
CSC-VLE Training neih a ni
Serchip District chhunga Common Service Centre-Village Level Entreprenuer (CSC-VLE) te tan nimin khan an hnathawh dan chungchang zirhona Serchhip DC Conference Hall-ah neih a ni a, he hunah hian District Manager, CHT. Changrenga leh E-District a District Manager, Denghlira ten CSC kaltlanga Online hmanga Form pekchhuah dan hrang hrangte an zirtir a ni. Tun dinhmunah Serchhip District-ah CSC-VLE hna thawklai mi 27 an awm mek a, heng zinga 7 te hi CSC-VLE,Self Help Group-a lut te an ni.
Tanpuina dawng turin chhungkaw 12 thlang
Ministry of Rural Development hnuaia National Social Assistant Programe (NSAP) hnuaia BPL chhungkaw zinga eizawngtu ber boral ta te tana hamthatna dawn theihna tur, National Family Benifet Scheme (NFBS) hnuaia tanpuina dawng turin Serchhip District-ah mi 12 thlan an ni.
Self-Employment Programme (SEP) hnuaia Loan la tur tan Serchhip-ah Training buatsaih
National Rural Livelihood Mission (NULM) hnuaia Serchhip khawpui chhunga Self-Employment Programme (SEP) atanga Individual Enterprise Loan la turte tana Entrepreneurship Development Programme (EDP) Training chu niin khan Serchhip Auditorium-ah neih tan a ni.
Tomato lakluh titawp thei turin chin tum a ni
Serchhip Division Horticulture Officer (DHO), M. Vanlalzami chuan phailam atanga Tomato lakluh titawp thei tur khawpin Tomato chin kawngah hmalak tum a nih thu a sawi.
Sample 663 la tawh
Nimin thleng khan Serchhip District-ah mi 663 te Swab Sample lak a ni tawh a, heng zinga 654 te chu enfiah tura thawn niin result hriat vek a ni tawh a, Sample thawnloh 9 ala awm mek bawk.
Inkhunghrang 128 awm mek
Tun dinhmun ah Serchhip District chhunga inkhunghranna hmun hrang hranga inkhunghrang mi 128 an awm mek.
CM Relief Fund-ah sum pe
Serchhip District Retailer Association te chuan COVID-19 hri leng dona atana a tul anga hman turin nimin khan CM Relief Fund-ah Rs. 25,000/- an hlan.
Serchhip-a eirawngbawlna Gas leh tuialhthei rawn thleng te uluk taka enfiah thin a ni
Serchhip-a Legal Metrology Enforcement Staff te chuan sawrkar kum liamta chhung khan tuialhthei leh eirawngbawlna Gas rawn phurh thlen thahnem tak bakah sumdawng ten bukna leh tehna an hman hrang hrangte an enfiah bawk.
MPC leh PRISM Party aiawhte thukhawm
MPC Party leh PRISM Party aiawh mi pathum (3) ve ve te chu nimin khan Aizawl-a MPC Office-ah thukhawmin COVID-19 hri lêng do nana mi thahnemngâi te sum thawhkhawm, Chief Minister Relief Fund-a sum tlingkhawm te a hmanna tur diktaka hman a ni em tih chhuichian a hmalak a ngaih thu an rel a, hei bakah hian Electric bill sang lutuk an ngaimawh thu te, sawrkar hnathawk hlawh cut sak chhunzawm zel vei awm an tih thu te an sawi bawk. He thutkhawm hi MPC Consultant, R. Zatawna chuan kaihruaiin Party pahnihte inzawmkhawm dan tur chungchang pawh he hunah hian thlirho nghal a nih thu an sawi bawk.
COVID-19 hri kai hmuhchhuah nuai 14 tling ta
India rama COVID-19 hri kai hmuhchhuah chu nuai 14 an chuang ta a, darkar 24 kalta chhung khan hri kai hmuhchhuah thar sing nga dawn an awm leh a ni.
Mizoram-a mi 20,053 Sample enfiah a ni tawh
Nimin tlai dar 5:00 thleng khan Mizoram-a mi 20,053 te Swab Sample enfiah tawh ah hri kai hmuhchhuah 361 awm tawhin mi 193 enkawl dam an ni tawh a, mi 168 enkawl mek an ni.
Lok Sabha MP in Aizawl-a BSNL Office a tlawh
Mizoram Lok Sabha MP leh Telephone Advisory Committee (TAC) Chairman, C. Lalrosanga chuan nimin khan Aizawl-a BSNL Office tlawhin, BSNL Staff ten an dinhmun leh an harsatna te an lo thlen.
I-Day hmanpuitu tur tifel
Thla thar August 15-a India Independence Day lo thleng tur chu Mizoram sawrkar-a Minister hrang hrang ten District khawpui tinah an hmanpui leh dawn a, Serchhip-ah Home Minister, Lalchamliana chu khuallian a ni ang.
Minister in Rural Haat leh Panchayat Bhavan hawng
Supply Minister, K. Lalrinliana chuan nimin khan Bairabi tlawhin Bairabi South-a Rural Haat leh Bairabi North Panchayat Bhavan te a hawn bakah Bairabi North Multipurpose Mini Sport Complex sakna tur lungphum phum nghal bawk.
H&TE Minister in Private leh Kohhran College te zirlai lakbelh thei tura ngaihtuahna seng turin a ngen
Higher & Technical Education Minister Dr. R. Lalthangliana chuan nimin khan a Pisa-ah Mizoram chhunga Kohhran leh Private College hrang hrang Principal te kawmin College admission chungchang a sawipui a, zirlai lakbelh thei turin an ngaihtuahna lo seng turin a ngen bawk.
Mamawh zat Grape hmu lo
Hnahlan Grape Growers’ and Processing Cooperative Society chuan kumin chhung hian kuthnathawktute Grape tharchhuah quintal 1000 chuang lei an tum a, an mamawh zat erawh lei tur an hmu dawn lo niin an sawi.
Buangpui tana tui pekna tur hna thawh mek tlawh
PHE Serchhip WATSAN Division in Jal Jeevan Mission hnuaia Buangpui khaw tana tui lak hna an thawh mek chu Inrinni khan PHE Serchhip Division-a SDO, Er. Samuel LR. Ralte chuan tlawhin hnathawh mek te a enfiah.
SAGY hnuaia Model Village atan khaw 5 thlang
Mizoram Lok Sabha MP, C. Lalrosanga chuan Sansad Adarh Gram Yojana (SAGY) hnuaiah Model Village atan Mizoram-a khaw 5- Muallungthu, Muthi, Damparengpui, Khumtung leh Seling khua te chu a thlang.
ZPM ten mipui sum thawh hmanna puanzar an phut
ZPM chuan CM Relief Fund for COVID-19 chu renchem taka hmangin a hmanna puanzar nise an duh thu an sawi.
Mizoram-a COVID-19 hri kai 53.46% enkawl dam tawh
Zirtawpni kalta-a Mizoram-a Sample enfiah atangin COVID-19 hri kai hmuhchhuah thar 29 zet an awm laiin Inrinni-a Sample enfiah ah hri kai hmuhchhuah thar an awmlo thung.
Serchhip District-ah kum chanve chhungin Police ten thubuai 27 an ziaklut tawh
Serchhip District Police te chuan kumin kum chanve chhungin thubuai ziahluh 27 neiin heng zinga thubuai 20-ah chuan Chargesheet thehluh a ni tawh.
Serchip District-ah inkhunghrang 179 awm mek; Hri kai enkawl thenkhat an dam dawn hnai
COVID-19 hri leng avangin Serchhip District-a inkhunghranna hmun hrang hrangah mi 1400 dahluh ni tawhin mi 1221 chhuahtir an ni tawh a, tunah hian inkhunghrang mi 179 an awm mek a, inkhunghrang mek 179 zinga 18 te hi hri kai enkawllai niin thenkhat hi tunkar hian dam-a chhuahtir theih beisei an ni.
Darkar 24 chhungin hri kai 49,310 hmuhchhuak
Darkar 24 kalta chhung khan India ramah COVID-19 hri kai 49,310 zet hmuhchhuah leh niin hei hi nikhat-a hri kai hmuhchhuah tam ber ni a ni leh a ni.
SBI Foundation kaltlangin Ventilator 3 hlan
SBI Foundation chuan Mizoram Sawrkar hnenah nimin khan cheng nuai 5 hu Ventilator pathum (3) an hlan a, heng Ventilator te hi SBI Foundation aiawhin L.P. Lalchangkima, Regional Manager, SBI leh a thawhpui ten Health Minister, Dr. R. Lalthangliana hnenah an hlan a ni.
Pastor Bial khawmpui tiak
Serchhip-a Presbyterian Kohhran Pastor Bial hrang hrang ten Pastor Bial inkhawmpui an neih chu nimin khan rorelna nei chhunzawma zawhfel a ni a, Bial khawmpui hi Serchhip Bial in Serchhip Kawnpui Kohhran-ah, Serchhip Vengchung Pastor Bial in Field Veng Kohhran-ah, New Serchhip Pastor Bial in Bukpui Kohhran-ah, Chhiahtlang Pastor Bial in Chhiah-tlang Sailam Kohhran leh Chhiahtlang Kawn Veng Pastor Bial in Sialhau Kohhran-ah an nei a ni.
Mamit-ah DM Dashboard/DARPAN tlangzarh a ni
Mamit District Bawrhsap, Dr. Lalrozama IAS chuan nimin khan Mamit-ah DM Dashboard/DARPAN (Dashboard for Analytical Review of Projects Across Nation) chu a tlangzarh.
Lunglei Science Centre sak a ni dawn
North Eastern Council (NEC) sum cheng nuai 871 seng-a Lunglei Zohnuai-a Lunglei Science Centre & Digital Planetarium sakna tur lungphum chu nimin khan Mizoram Youth Commission (MYC) Chairman, Dr. Vanlaltanpuia chuan a phum.
Zirlai tithate hnenah 'STAM Proficiency Award' hlan
Science Teachers' Association of Mizoram (STAM) buatsaihin nimin khan HSLC leh HSSLC Exam rexult chhuaka Science leh Mathematics-a tithate hnenah 'STAM Proficiency Award' hlan an ni.
Inkhunghrang 143 la awm
Nimin thleng khan Serchhip District-ah CO-VID-19 vanga inkhunghrang mi 143 leh hri kai enkawllai mi 18 an awm mek a, tuna inkhunghrang te hi mahni In lama inkhunghrang mi 93 leh sawrkar hmunhmaa inkhunghrang mi 51 te an ni. ZMC-a hri kai enkawllai Serchhip District-a rawn dah te nen tunah hian hri kai enkawllai mi 18 la awm mekin heng te hi Dedicated COVID Health Centre, Serchhip-ah mi 5 leh COVID Care Centre, Thenzawl-ah mi 13 te an ni.
DLAO mawhphurhna la ta
Serchhip-a District Local Administration Officer (DLAO) hna chelh tura ruat, Dr. Manesia Khaimeichho chuan a hna thar a rawn zawm ta.
Weekly Award dawng dawn
All India Radio (AIR) News Service Division (NSD) AIR Part-Time Correspondent (PTC)-te News Story tha bik panga (5) a thlanchhuahte hnena Weekly Award a sem thin ah June 27, 2020 atanga July 3, 2020 chhunga Weekly Award dawng tura thlan zingah C. Lalhminghlua, PTC Serchhip chu a tel.
In sak peihfel tawh
Serchhip-VIII VC leh an huamchhunga NGO ten an huamchhunga hmeithai pakhat chenna In tur kar hmasa atanga an sak chu nimin khan luah theiha peihfel a ni a, Serchhip-VIII VC te chuan he In hi Assam Type-a sak a nih thu sawiin, thuneitute hnen atanga sum hmuh tura an beisei chu an la hmuh loh avangin duh ang taka an la peihfel loh thu an sawi a, amaherawh chu In neitu te hian luahluh a tul tawh avanga an peih tawh thu sawiin, a tul angin hmabak awm te pawh an la khawih chhunzawm tur thu an sawi bawk.
Police chawimawi dawn
Serchhip District Executive Force (DEF) hnuaia thawk Police pali (4) te chu tunhnaiah hna an thawh that avangin Mizoram DGP hnen atangin chawimawina pawisafai dawng tura thlan an ni.
Serchhip-III VC ten chenna In 2 sak bul an tan
Serchhip-III Village Council chuan nimin khan an huamchhunga hmeithai pahnih te chenna In tur sak hna an thawk tan.
Dan lova Sikret lakluh cheng nuai 5 chuang hu Serchhip-ah tihchhiat a ni
Serchhip District Anti-Tobacco Squad leh Legal Metrology Enforcement Staff ten Dan phalloha rampawn atanga Sikret lakluh an man te chu nimin khan tihchhiat niin heng Sikret tihchhiat te hi a vaiin cheng nuai 5 chuang hu nia chhut a ni.
NH. 54 laihzauh chungchangah FIR thehlut
Chhingchhip khaw bul-a National Highway laihzauh hna thawh mekah Community Forest Reserve tihchhiat chungchangah Serchhip Police Station-ah FIR thehluh niin ramngaw tihchhiat hlutna pek a nih hma chuan hnathawh chawlhsan tura an phut thu tarlan a ni.
Zirlaite mamawh hmai tuamna chungchang sawiho
Higher & Technical Education Minister Dr. R. Lalthangliana leh School Education Minister, Lalchhandama Ralte te kaihhruaiin niminpiah khan Department pahnih hotute chuan zirlaite mamawh hmaituamna chungchang an sawiho.
Mizoram-ah COVID-19 hri kai 9 hmuh belh leh
Niminpiah khan Mizoram-ah COVID-19 hri kai hmuhchhuah thar 9 an awm leh a, heng mite nen hian Mizoram-a hri kai hmuhchhuah chu 326 an tling ta a ni.
HSLC leh HSSLC Exam-a Topper te hnenah Chief Minister's Award hlan an ni
Kumin-a pawl 10 High School Leaving Certificate (HSLC) leh pawl 12, Higher Secondary School Leaving Certificate (HSSLC) Exam-a titha (Topper)te hnenah nimin khan ‘Chief Minister's Award’ hlan an ni a, he hunah hian Chief Minister, Zoramthanga chuan zirlaite chu mahni talent theuh hmang tangkai zel turin a chah a ni.
Sikret tichhe dawn
National Tobacco Control Programme (NT-CP) Serchhip District leh Legal Metrology Enforcement Staff ten Serchhip District chhunga Dan lova Sikret lakluh an man sa te chu Vawiin chawhnu dar 1:00 hian Serchhip CMO Office Tual-ah tihchhiat a ni dawn.
Bial inkhawmpui neih a ni
Mizoram Presbyterian Kohhran chuan nimin atang khan Pastor Bial hrang hrangah Bial inkhawmpui an nei mek .
Dan bawhchhia 1759 man tawh
Kumin May 4-a The Mizoram (Containment and Prevention of Covid-19) Ordinance, 2020 hman a nih atanga nimin thleng khan Serchhip District-ah Dan bawhchhia mi 1759 man an ni tawh a, heng zinga 947 te chu Police te man niin Police Flying Squad ten mi 755 an man tawh a, Local Task Foce ten mi 57 an man tawh bawk. Heng Dan bawhchhia man te pawisa chawi tling-khawm chu Rs. 2,24,000/- a tling tawh bawk.
Serchhip District-a Truenat Quattro RT-PCR khawl bunna tur buaipui mek a ni
Mizoram sawrkar in Mizoram District tina COVID-19 hri kai te enfiahna tur khawl, Truenat Quattro RT-PCR bun tuma hma a lak mekna ah Serchhip District-ah pawh he khawl dahna tur hmun buaipui mek a ni.
Maxi Cab chuanman ti sang chungchangah hma la
Tunhnaiah Serchhip District chhungah Maxi Cab chuanman tisang an awm nia hriat a nih avangin Serchhip District Transport Officer (DTO) hnenah hemi chungchang hi thlen a ni.
DM&R Minister in Central YMA kutah Bolero Camper leh chhanchhuahna hmanrua a hlan
Disaster Management & Rehabilitation Minister, Lalchamliana chuan nimin khan Central YMA hnenah Bolero Camper pakhat leh rikrum thila chhanchhuahna hmanrua (Rescue Equipment) a hlan.
Mizoram-ah hri kai 20 hmuh belh leh an ni
Niminpiah khan Mizoram-a Swab Sample enfiah zingah hri kai thar 20 hmuhchhuah belh leh an awm a, Mizoram-ah hri kai hmuhchhuah zawng zawng chu 317 an tling ta a ni.
Farmer Producer Company 3 te Organic Certificate hlan
Mission Organic Mizoram (MOM) hnuaia Farmer Producer Company pathum (3) hnenah Organic Certificate hlanna chu nimin khan neih niin Agriculture Minister, C. Lalrinsanga chuan khuallian niin a hmanpui.
Online Class atan inbuatsaih
Govt. Serchhip College-a Teaching Staff te chuan nimin khan Online hmanga Class lak dan tur zirhona an nei a, kumin hian COVID-19 hri leng vanga a pangngaia Class a lak theih dawn loh avangin Mizoram University duhdan angin College Zirtirtute hi August thla atangin Online hmanga Class la tur hian an inbuatsaih mek a ni.
Aadhaar siamna hawng tan
Hun engemawchen Mizoram District hrang hrang DC hnuaia Aadhaar Enrolment Agency a thawktu ten hlawh an lak theih loh avanga an hna an chawlhsan lailawk hnuah GAD Joint Secretary hova inkawmna neiin mipuite harsatna hrethiam chungin tun thla chhung sawrkar ngaih-chan nise tiin niminpiah atang khan Mizoram-a Aadhaar Card siamna te chu hawn tan leh a ni a. Serchhip DC Office-a Aadhaar Card siamna pawh nimin atang khan hawn tan a ni.
KTP in thisen Unit 26 pe
Serchhip Chhim Veng Branch KTP te chuan a mamawh apiangte hman turin nimin khan Serchhip Blood Bank-ah thisen Unit 26 an pe.
Serchhip mi kallo niin lang
Tunhnaia Aizawl Durtlang-a Futsal khel zingah hri kai hmuhchhuah an nih hnuah he hunah hian Serchhip atang pawhin mi thenkhat an kal nia sawi chu kan Palai chuan nimin khan a theih angin a chhui zui a, Serchhip atang hian Futsal zuk khel hi an awmlo niin a lang.
Hri kai thar awmlo
Niminpiah khan ZMC Laboratory-ah Ser-chhip atanga Swab Sample thawn 11 te chu enfiah niin hri kai hmuhchhuah thar an awmlo.
COVID-19 hri kai mi 14 te Serchhip District-a enkawl tura rawn dah an ni
ZMC-a COVID-19 hri kai hmuhchhuah mi 14 te chu Serchhip District chhunga enkawl tura rawn dah niin nizan hmasa khan Serchhip District rawn thlenpui an ni.
Serchhip District-a inkhunghranna man chawi dan tur bithliah fel a ni
Mizoram sawrkar in Mizoram State pawn atanga rawn haw te an inkhunghranna leh ei leh in senso mahni intum tawh tura a tih angin Serchhip District-a he ruahmanna kalpui dan tur chu nimin khan Serchhip-ah District Bawrhsap hova sawiho a ni.
Inkhunghrang 158 la awm
Serchhip District chhunga inkhunghranna hmun hrang hranga inkhunghrang mi 158 an awm mek.
Nizan-ah result hriat beisei
Nimin khan Serchhip atangin Swab Sample 11 te chu enfiah turin ZMC Laboratory-ah thawn leh a ni a, nizan khan result hriat theih beisei a ni.
Mizoram-ah COVID-19 hri kai 13 hmuh belh a ni
Niminpiah-a ZMC Laboratory-a Swab Sample enfiahte atangin COVID-19 hri kai mi 13 hmuh belh leh an ni a, tun thlengin Mizoram-ah hri kai mi 297 hmuhchhuah an ni tawh.
Agriculture Minister in ‘Fairel bel’ a tlangzarh
Agriculture Minister, C. Lalrinsanga chuan nimin khan Commissioner Lalkiamlova lehkhabu ziah ‘FAIREL BEL’ tih chu Aizawl Tuikual-a Territorial Headquarters Booth Mansion Conference Hall-ah a tlangzarh.
Keifang-ah MCAB Branch thar hawn a ni
Tawi bialtu MLA leh P&E Minister, R. Lalzirliana chuan nimin khan a bial chhung, Keifang khua ah Mizoram Cooperative Apex Bank Ltd. (MCAB) Branch thar a hawng.
Mizoram Police Ui fing 'Canine Squad' lakluhna Home Minister hovin neih a ni
Mizoram Police Ui fing 'Canine Squad' member 8 te chu nimin khan Home Minister, Lalchamliana hovin lakluhna inkhawm G.S. Arya Mess, PHQ, Aizawl-ah neih a ni.
Bamboo Development chungchang sawihona nei
Nimin khan Chief Minister, Zoramthanga hovin Horticulture Department hotuten Chief Minister Office Cabinet Meeting Room-ah Bamboo Development hmalakna te thlirhovin hmalak zel dan tur an sawiho.
Health Minister-in Assam Rifles, BSF leh BRTF hotute COVID-19 laka inven dan tur a sawipui
Health & Family Welfare Minister, Dr. R. Lalthangliana chuan nimin tlai khan a Pisa-ah Mizoram-a Assam Rifles (AR), Border Security Force (BSF) leh Border Roads Task Force (BRTF) hotute kovin Mizoram-a COVID-19 darh zel tur veng tura hmalak dan tur a sawipui.
Inkhunghrang 158 awm mek
Nimin thleng khan Serchhip District chhungah hri leng avanga inkhunghrang mi 158 an la awm mek.
Puipunna-a meizu man tam
Sawrkar kum liamta, nikum April thla atanga kumin March thla tawp thleng khan Serchhip District Anti-Tobacco Squad te chuan puipunna hmuna mei zuk khapna dan bawhchhia mi 271 zet an man.
Serchhip-ah thlai vawnthatna tur 'Satellite Cold Room' hman theih a ni ta
Kuthnathawktute thlai tharchhuah vawnthatna tura Horticulture Department in an ruahman, Serchhip-a 'Satellite Cold Room' chu hman theiha peihfel a nih hnuah nimin khan thlai thar dahluta hman tan a ni.
MZP in Zirlai titha chawimawina hun hmang
Mizo Zirlai Pawl (MZP) General Hqrs. chuan tunhnaia MBSE in pawl 12 (HSSLC) Exam result a tihchhuah taka Topper (Arts, Science & Commerce)-te chawimawina hun nimin khan Aizawl-a MZP Pisa Pui-ah an buatsaih.
Union Minister for Food Processing in Zoram Mega Food Park a hawng
Union Minister for Food Processing, Harsimrat Kaur Badal-i chuan Khamrang-a cheng vbc. 75 senga din, Zoram Mega Food Park chu nimin khan Video Conferencing hmangin a hawng a. Zoram Mega Food Park hawnna thuziak, Plaque chu Union Minister aiawhin Commerce & Industries Minister, Dr. R. Lalthangliana chuan a pawt pharh a ni.
Inkhunghrang 185 awm
Nimin thleng khan Serchhip District chhungah hri leng avanga inkhunghrang mi 185 an la awm mek.
Hri kai hmuh belh awmlo
Inrinni-a Serchhip atanga Swab Sample thawn 13 te chu ZMC Laboratory-ah enfiah niin hri kai hmuhchhuah thar an awmlo.
Hmeithai In sak sak mek
Serchhip-VIII Village Council leh Serchhip P&E Veng-a tlawmngai pawl hrang hrangte chuan tunlai hian an huamchhunga Hmeithai pakhat chenna In tur an sak sak mek.
Electric Bill vangin mipui ten harsatna an tawk - MPCC
Mizoram Pradesh Congress Committee (MPCC) chuan COVID-19 vanga Mizoram mipui kan buai laiin Electric Bill mumal loh avangin chhungkaw tam takin harsatna an tawk mek tih an sawi.
Lockdown hnuah lirthei ziahluh thar tlahniam
COVID-19 vanga lockdown puan a nih vangin lirthei register thar zat a tlahniam hret a, hetihlai hian kumin March atanga June thla chhunga lirthei register thar zat chu 4,841 a la tling thung.
Mizoram-ah hri kai hmuh belh zel an la ni
Inrinni thleng khan Mizoram-ah COVID-19 hri kai hmuh belh zel niin hri kai hmuhchhuah hi 284 an tling tawh.
Minister in Sangha tui awp keuna hmun a tlawh
Fisheries Minister, K. Lalrinliana chuan Inrinni khan Kolasib atanga Bairabi panna kawng, Zero Point-a Sangha tui awpkeuna (Carp Hatchery Unit), ‘Little Galilee’ chu tlawhin Sangha chi tihkeu hmasak ber a en.
Result diklo-a mawhphurtu an phu anga hrem phut
MZP General Hqrs. chuan Inrinni khan Extended OB Emergency Meeting neiin HSSLC Exam result chhuaka tih dikloh awm-a mawhphurtute chu zawngchhuaka an phu anga hremna pek an phut thu an sawi.
Middle School Leaving Certificate (MSLC) Exam siam thar leh tum a ni - Education Minister
School Education Minister, Lalchhandama Ralte chuan Middle School Leaving Certificate (MSLC) Examination siam thar leh tum a ni tih a sawi.
Mizoram-a ranvulh zingah Ar ala tam ber
AH & Vety Department chuan Mizoram-ah ranvulh chhiarpui neiin tunhnai khan an chhiarpui neih hi puanchhuah a ni a, Mizoram ranvulh zingah Ar a tam ber.
Mizoram khawchhak lamin lirnghing an tuar zui zel; Sawrkar in chhawmdawlna hna a thawk mek
Mizoram khawchhak lam tlangdung khaw hrang hrangte chuan lirnghing avanga harsatna an tawk zui zel a, heng lirnghing tuartute hi District Disaster Management Team te bakah sawrkar mi pawimawh te pawhin tlawhin tanpui hna thawh nghal a ni a, Vawiin hian Doctor rual te pawhin khawchhak lam hi an pan leh dawn a ni.
Mizoram-ah mi 14,738 te inkhunghrang zo tawh
COVID-19 hri leng avangin Mizoram pumah inkhunghrang mi 16,916 awm tawhin mi 14,738 te chu chhuahtir an ni tawh thung.
District Hospital pahnih tan Generator hlan
Federation of Mizoram Samagra Employees (FEMSE) chuan COVID19 do nan leh hemi kawnga sawrkar tha tihchakna atan nimin khan Khawzawl leh Hnahthial-a District Hospital-a hman atan Generator an hlan.
Mizoram-ah hri kai mi 5 hmuh belh leh an ni
Niminpiah khan ZMC Laboratory-ah Swab Sample 248 enfiah niin heng atang hian hri kai 5 hmuh leh a ni a, Mizoram-ah hri kai 272 an tling ta a ni.
Pelican Crossing System hman theih turin hawng
UD&PA Department changtu Deputy Chief Minister, Tawnluia chuan nimin khan Aizawl khawpui hmun 10-a Traffic Light hmanga kawng kanna, Pelican Crossing System bun fel chu Treasury Square-a Crossing System-ah hmet eng-in mipui hman theih turin a hlan.
Thenzawl Bazar sakna tur en
Serchhip bial-a zin Adviser to Chief Minister, C. Lalramzauva chuan nimin khan Thenzawl khua tlawhin khawtlang hruaitute leh an Party hruaitute nen Thenzawl Field Veng-a Bazar sakna tur hmun an enfiah.
Serchhip-ah hri kai 2 hmuh belh an ni; Chhingchhip-ah Total Lockdown titawp thung
Niminpiah khan ZMC Laboratory-ah Serchhip atanga Swab Sample thawn 12 enfiah niin hri kai hmuhchhuah 2 an awm a, heti hian Serchhip District-ah hri kai hmuhchhuah 7 an awm ta a ni.
Serchhip District Bawrhsap in Thenzawl-ah Damdawi In, JNV leh Horticulture College a tlawh
Serchhip District Bawrhsap, Kumar Abhishek IAS chuan Serchhip District Bawrhsap hna a chelh hnua District a fanna hmasa berah nimin khan Thenzawl tlawhin Thenzawl CHC, AYUSH Hospital leh Jawahar Navodaya Vidyalaya (JNV) bakah Horticulture College tur sak mek pawh a tlawh nghal bawk.
Mizoram-ah hri kai 29 hmuh belh a ni
Niminpiah-a Mizoram-a Swab Sample enfiahte atangin COVID-19 hri kai hmuhchhuah 29 zet an awm leh a, Mizoram-a hri kai hmuhchhuah zawng zawng chu 267 an tling tawh.
Sports Minister in Private Company te a sawm
Niminpiah tlai khan Federation of Indian Chamber of Commerce & Industries (FICCI)-in Sports Industry tihhmasawn dan tur leh Private Company ten Sports hmasawnna atana an tanlak theih dan Online-a sawihona, FICCI Webinar an buatsaih a, he hun hi Sports Minister, Robert Romawia Royte chuan hmanpuiin Key Note Address a nei.
SMATEE leh MDEE atan dilna Form lei theih
Mizoram State Quota-a Course hrang hrang zir tum, State Medical and Technical Entrance Examination (SMATEE), 2020 Exam tumte tan tun thla ni 15 atang khan Technical Wing, Higher & Technical Education, Chaltlang-ah Office hun chhungin dilna form lei leh thehluh (submit) theih a ni tih sawrkar chuan thuchhuah siamin a tarlang. Hei bakah hian Mizoram State Council or Technical Education (MSCTE) hnuaia Mizoram Diploma Entrance Examination (MDEE) 2020 Exam tum te tan Technical Wing Higher & Technical Education, Chaltlang/Mizoram Polytechnic Lunglei/Women Polytechnic, Aizawl-ah te tun thla ni 20 atangin Office hun chhungin dilna form lei leh thehluh (submit) theih a ni bawk ang.
Sangha khawi chungchanga harsatna Minister in sawi
Associated Chambers of Commerce and Industry of India (ASSOCHAM) buatsaihin nimin khan India ram pum huap Webinar neih a ni a, he hunah hian Mizoram-a Fisheries Minister, K. Lalrinliana chu khual zahawm niin a tel a ni.
Chief Minister hovin Road and Infrastructure Development Board thutkhawm neih a ni
Nimin khan Chief Minister, Zoramthanga hovin Road and Infrastructure Development Board chu thukhawmin Mizoram chhung kawng siamthat leh tihhmasawn zelna tura Board hmalakna tur pawimawh hrang hrang an sawiho.
BS&G hmalakna thlirlet
Serchhip District Bharat Scouts & Guides chu nimin khan SSA Block Resource Centre-ah thukhawmin COVID-19 hri leng chungchanga an hmalakna te an thlirho a. He hunah hian hri leng laka mipuite an him theihna tura hmui tuamna (Mask) an sem tawh dan thlirletna neiin Serchhip Town chhunga damdawi In pahnih bakah DC Office leh Bazar-a chawhmeh zuar thinte hnenah Mask hi sem tawh niin hmalak zel dan tur pawh an sawiho nghal bawk a ni.
Adviser to Chief Minister in Serchhip rawn tlawh
Adviser to Chief Minister, C. Lalramzauva chuan nimin zing khan Serchhip P&E Veng-a Leisekawt Mual laihzauh tlawhin Serchhip Bazar-a Vantlang inthiarna siam chu a hawng bawk.
DC in Thenzawl tlawh dawn
Serchhip District Bawrhsap, Kumar Abhishek IAS chuan Vawiin hian Thenzawl a tlawh dawn a, Thenzawl-ah hian CHC, AYUSH Hospital, Horticulture College leh JNV te a tlawh ang.
A thlawnin natna enfiah sak
National Programme for Prevention and Control of Cancer, Diabetes, Cardiovascular Diseases and Stroke (NPCDCS) buatsaihin tunlai hian Serchhip-ah kum 30 chin chunglamte tan a thlawna an hriselna inenfiahna hun hawn a ni.
Sangha Dil khawihtu man
Tunhnaia Serchhip dai vel-a mi Sangha Dil leh Huan Thlam te khawih thin nia hriat mi pakhat chu nizan hmasa khan Serchhip Police ten manin nimin khan Court-ah hruai nghal a ni.
BJP President in sawrkar hmalakna puangzar
BJP Mizoram Pradesh President, Vanlalhmuaka chuan nimin khan Serchhip-ah thuthar thehdarhtute kawmin sawrkar laipui-a Narendra Modi kaihhruai sawrkar hmalakna hrang hrangte a sawifiah.
Assembly Public Accounts Committee ten Serchhip-a ITI Building sak mek an tlawh
Mizoram Legislative Assembly-a Public Accounts Committee (PAC) chuan nimin khan an Chairman, Lalduhoma MLA hovin Serchhip-a ITI Building tur sak mek chu an tlawh a, helai hmuna hna thawktute chuan he hna hi nakum March thla ah chuan hna zawh hman an beisei thu an sawi.
KTP in thisen Unit 18 pe
Serchhip Vengchung Pastor Bial KTP Conference in an lo rel tawh angin nimin khan Serchhip Bazar Branch KTP te hian Serchhip Blood Bank-a dah turin thisen Unit 18 an pe a, thisen petute hi mipa 8 leh hmeichhia 10 niin Serchhip Blood Bank-ah kalin an thisen hi thawktu ten an lo lak sak a ni.
EMRS zirlaite pass vek
Central Board of School Education (CB-SE) chuan nimin khan pawl 10 Exam Result ti-chhuakin Serchhip atanga CBSE zawm, Eklavya Model Residential School (EMRS)-a zirlai Exam mi 12 te chu an pass vek a, 1st Division-ah mi 9 pass in 2nd Division-ah mi 2 leh 3rd Division ah mi pakhat an pass a ni. Tun tum hi Serchhip EMRS in CBSE hnuaia pawl 10 exam an hma-chhawn vawikhatna niin an hlawhtlinna chu lawm-awm an tih thu School-a thawktute chuan an sawi.
YMA in hnathawh enfiah
Serchhip Sub-Hqrs. YMA Vigilance & Monitoring Committee chuan nimin zing khan Serchhip P&E Veng leh Tlangnuam inkar-a kalna siamthat hna thawh mek chu an enfiah.
Govt. Serchhip College Music Video tlangzarh
Govt. Serchhip College in Music Video an siam hmasak ber, 'Kan chawi dawn e' tih chu nimin khan Govt. Serchhip College Principal, PC. Lalremsiama chuan a tlangzarh.
Serchhip District-a VC inthlanpui neiha hman tur Electoral Roll siam hna thawh tan leh a ni
Mizoram-a Village Council inthlanpui neih tur atana hman tur Electoral Roll siamthat hna chu nimin khan thawh tan a ni leh ta a, hemi chungchangah hian nimin vek khan Serchhip-ah District Bawrhsap, Kumar Abhishek IAS hovin thutkhawm neih a ni bawk.
India-ah COVID-19 hri kai hmuh belh zel an ni
Darkar 24 kalta chhung khan India ramah COVID-19 hri kai hmuhchhuah thar 29,429 awm lehin India rama hri kai hmuhchhuah hi mi 9,36,181 an tling tawh.
Sports Minister ten Video Conference an nei
Nimin khan Union Sports Minister, Kiren Rijiju hovin Sports Ministers Video Conference neih niin COVID-19 avanga harsatna chungchanga Sports Ministry tan lak dan sawiho a ni a, Olympic 2028-ah chuan India in Top 10 position a chan ngei theih nana tanlak dan turte sawiho a ni.
Aizawl-a Quarantine Facility hmun te tlawh
Consultative Committee on Health & Family Welfare Department chuan nimin khan an Chairman leh Health Minister, Dr. R. Lalthangliana hovin Aizawl khawpui chhunga Government Quarantine Facility thenkhat tlawhin an dinhmun an enfiah.
Hri kai zingah Paramilitary Force mi leh sa an tam
Niminpiah khan Mizoram-ah COVID-19 hri kai mi 5 hmuhchhuah belh leh niin heng mite hi BSF sipai vek an ni a, Mizoram-a hri kai hmuhchhuah zinga zaa 26.89 chu Paramilitary Force mi an ni.
Sairang-a FCI Kudam satu tur thlan fel niin Khawzawl-ah FCI Kudam sak leh tum a ni
Consultative Committee on Food Corporation of India (FCI), Mizoram Chairman leh Rajya Sabha MP, Ronald Sapa Tlau chuan tun dinhmunah FCI-in Mizoram-ah buhfai a chhekkhawl hnem tawk thu sawiin, “Ramrikawn-a FCI Kudam chhawk zangkhaitu tur, Sairang Dinthar Veng-a FCI Kudam satu tur pawh thlan a ni tawh,” a ti.
Sum chawitirin hrem
Legal Metrology Enforcement Staff ten niminpiah a Serchhip-a eirawngbawlna Gas buk tlinglo an man chu a vaiin bur 130 niin Gas rawn phurtu hi pawisa chawitira hrem a ni.
Chenna In tur sak sak
Niminpiah-a Serchhip Vengchung-a lei tawlh vanga chenna In chhia, Lawmkima te chenna In tur sak hnatlang chu nimin khan Serchhip-I VC leh Serchhip Vengchung Branch YMA huaihawta neih niin mi 200 vel an thawkchhuak a, leimin avanga an In ban tlu avang hian an In zatve chin Beam leh ban chhe vekin a chhe chin hi tanin ala tha lam hi a chung leh bang te siamin luah theih tura siam a ni a, hei bakah hian an In hnuai pawh luah theih tura siam sak an ni bawk. Vanduaina tawktute hi Presbyterian Ser-chhip Vengchung Kohhran chuan Rs. 10,000/- leh buhfai bag 2 pein mimal thahnem takin sumfai in an tanpui bawk.
Serchhip mi Top 10-ah lang
Nimin-a MBSE in Pawl 12 (HSSLC) Exam result a tihchhuah ah Francisca Mary Lalnunsangi d/o M. Lalrozama, Serchhip Ramthlun Veng, Oikos HSS Aizawl-a zirlai chu Commerce Subject-ah Mizoram pumah 4-na a ni a. Ani hian mark 500-ah 443 hmuin Distinction-ah a pass a ni. Ani hi tun tum HSSLC Exam result chhuakah Serchhip District atanga Top 10 a lang awmchhun nia hriat a ni.
HSSLC exam-ah Serchhip School te titha thawkhat
Nimin-a HSSLC Exam result chhuakah Serchhip-a School hrang hrangte chuan an titha thawkhat niin a lang.
Thil ruk ching nia hriat man
Tunhnaia Serchhip khawpui chhung Veng thenkhat-a mi In rawktu leh mi huan Thlam-ah te lut-a Sangha Dil te sawisatu nia hriat, Lalchawimawia (27), Serchhip Zozam Veng-a cheng nia insawi chu niminpiah khan Police ten manin a thil ruk nia hriat thenkhat te pawh hmuhlet leh a ni.
Serchhip District-a BBBP kalpui dan leh kalpui zel dan tur sawiho a ni
Nimin khan Serchhip-ah District Task Force on Beti Bachao Beti Padhao (BBBP) chu Serchhip District Bawrhsap, Kumar Abhishek IAS hova thukhawmin BBBP chungchanga hmalakna hrang hrangte an thlirho.
Hna chan tur 2018 an awm
Mizoram Youth Commission (MYC) chhin-chhiah danin Mizoram pawna hnathawk mi 7742 an awm a, heng zinga 2018 in hri leng vangin hna an chan.
India ramah hri kai hmuhchhuah nuai 9 an tling
India rama COVID-19 hri kai hmuhchhuah chuan nuai 9 an tling ta a, hri kai zinga zaa 63.02 te chu enkawl dam an ni tawh thung.
Hri kai 2 hmuh belh; mi 8 enkawl dam an ni thung
Niminpiah khan ZMC Laboratory-ah Sample 256 enfiah leh niin heng atang hian COVID-19 hri kai pahnih hmuhchhuah leh an ni a, heti hian Mizoram-a hri kai hmuhchhuah tawh zawng zawng chu 233 an tling ta a ni.
Mizoram-a kalpui turin PMVDY hawnna neih a ni
Thingtlang mi kuthnathawktute tana buatsaih, Prime Minister Van Dhan Yojana (PMVDY) chu Mizoram-a a bultanna turin nimin khan hawn a ni.
HSSLC-2020 Exam result tihchhuah niin zirlai zaa 78.52 in an pass
Mizoram Board of School Education (MBSE) chuan kumin a pawl 12, Higher Secondary School Leaving Certificate (HSSLC) Exam result chu nimin tichhuakin zirlai Exam zawng zawng atanga 78.52% in an pass a, kum hmasa aiin 0.42% in result a chhe zawk a ni.
India-ah hri kai 8,78,254 hmuhchhuah an ni tawh
Nimin thleng khan India ramah COVID-19 hri kai hmuhchhuah 8,78,254 tling tawhin mi 5,53,470 te chu enkawl dam an ni tawh.
Kum kalta ah Drug License 21 cancel a ni
Sawrkar kum kalta, nikum April thla atanga kumin June thla thleng khan Serchhip District chhunga damdawi zawrh phalna nei mi 21 te License chu cancel niin tun dinhmunah Serchhip District-ah Drug License nei mi 165 an awm mek.
Chief Minister hova Council of Minister thukhawmin Dan siamthatna tur an pawm
Mizoram sawrkar-a Council of Minister te chu nimin khan CM Office Cabinet Room-ah an thukhawm a, he hunah hian sawrkar Department thenkhat atanga sawrkar inrelbawlna atana rawtna pawimawh, Agenda 11 ngaihtuah niin Agenda 9 chu pawm a ni.
HSSLC result chhuak dawn
Mizoram Board of School Education chuan Vawiin, July 14, 2020 chhun dar 12:00 hian HS-SLC Examinations, 2020 leh HSLC (Compartmental) Examination, 2020 result tihchhuah a tum a. Result hi www.mbse.edu.in-ah leh pdf format-in tihchhuah a ni ang. MBSE Office, Chaltlang leh MBSE Regional Office, Lunglei-ah tarchhuah a ni dawn lova, MBSE Office atangin Result bu Rs. 150/-in lei theih a ni bawk ang.
Sample 4 thawn leh a ni
Nimin khan Serchhip District atangin Sample 4 chu enfiah turin ZMC Laboratory-ah thawn leh an ni a, heng te hi nizan khan result hriat theih beisei a ni. Tun dinhmunah Serchhip District-ah hian In lama inkhunghrang mi 125 an la awm mek a, sawrkar hmunhmaa inkhunghrang mi 69 awmin Dedicated COVID Health Centre-a in-khunghrang mi 2 an la awm mek bawk a ni.
Gas buk tlinglo man leh a ni
Nimin-a Serchhip-a eirawngbawlna Gas rawn thleng chu enfiah a nih hnuah buk tlinglo a awm tih hmuhchhuah niin Gas semna hmuna buk a nih hnuah buk tlinglo tam tham tak manchhuah a ni.
Rate bithliah zawmlo te Rs. 500 theuh chawitir
Serchhip Bazar-a Sa man bithliah zawm loh avanga Inrinni kaltaa Sarep zuartu mi 5 man tak te chu Rs. 500/- theuh chawitira hrem an ni.
Leimin vangin Serchhip Vengchung-ah chenna In pakhat chhia
Nimin zing dar 10:30 vel khan Serchhip Vengchung-a Lawmkima te chenna In chu an In bul-a Retaining Wall chim in an In ban thenkhat a hnawl avangin luahzui tlakloh in a chhia a, nimin vek khan In chhelai hi thiah nghal a ni.
Chhingchhip-ah Lockdown
Chhingchhip Venghlun Village Level Task Force chuan nimin tlai dar 5:00 atang khan an huamchhungah Total Lockdown an puang.
Hri kai hmuh belh awmlo
Tunhnaia Serchhip atanga Swab Sample thawn 67 te chu Inrinni khan ZMC Laboratory-ah enfiah niin hri kai hmuhchhuah an awmlo.
Bawlhhlawh senghawi dan en
Serchhip-a UD&PA Department-a thawk-tute chuan Zirtawpni khan Serchhip-a Quarantine Centre thenkhat tlawhin bawlhhlawh senghawi dan an enfiah bakah PPE Kit an hlan.
Sa rate zawmlo man an ni
Tunhnaia Serchhip District Bawrhsap hova Sa zuartute leh Sawrkar hotute bakah tlawmngai pawl ten Serchhip-a Sa man an bithliah zawmlo enfiah hna chu Inrinni zing khan thawh a ni a. He hunah hian Legal Metrology-a Inspector te bakah Consumer Association, Serchhip Sub-Hqrs. YMA leh MJA Serchhip District aiawhte telin Sa man an lo bithliah tawh zawm lova Vawksa rep zuar mi 5 leh Bawngsa zuar mi 2 te chu man niin heng mite hi Vawiin hian Legal Metrology Office-a inlan tura koh an nih bakah a tul anga hma la zui turinBawrhsap hnenah thlen a ni bawk ang.
Ruahsur vangin leimin awm
Tunhnaia ruahsur avang khan Serchhip AOC Veng, Masihi Sangati Biak In chhaklam chu Zirtawpni zan khan a min a, he leimin hian NH. 54 pawh hnawhin lirthei kal theih tura thenfai leh nghal a ni. Hetihlai hian nimin lam khan Ser-chhip IOC Veng atanga P&E Veng panna, Addl. SP Quarters bul pawh kawngthlang lam a min avangin kawng dinhmun hlauhthawnawm ah a siam a, Tuikhuah Veng NH. 54 pawh a che leh deuh nia langin kawngpui a khi leh bawk.
KTP General Conference Organising Comtt. thukhawm
Kumin February thlaa Serchhip in KTP General Conference a dawn tuma Organising Committee chu Inrinni khan Serchhip Kawnpui Kohhran Jubilee Hall-ah thukhawmin Conference neih zawh tak an thlirlet.
Tlawng Lui-a Lei dawh thar hawn a ni
Thenzawl leh Buarpui inkar, ADB Road-a Tlawng Lei, Steel D-Bow Trussed Girder Bridge dawh thar chu Zirtawpni tlai khan PWD Engineer-in-Chief, Er. K. Lalsawmvela MES chuan a hawng.
Hri kai hmuhchhuah 227 awm tawhin mi 150 dam tawh
Nimin zing thleng khan Mizoram-ah COVID-19 hri kai hmuhchhuah mi 227 awm tawhin mi 150 te chu enkawl dam an ni tawh.
Lockdown hnuah Mizoram-a Chhiah lut a tlem; Kumin a Target erawh hmuh beisei a ni
COVID-19 vanga inkharkhip neih anih hnuin Mizoram Chhiah hmuh nasa takin a tlem a. Hetihlai hian Taxation Department chuan kumin-a sawrkarin Budget a tuk chu hmuh hram an beisei.
State pawn-a tangkhang 13,111 rawn haw tawh; Vairengte kaltlangin mi 4337 rawn kir
COVID-19 hri leng avanga Mizoram pawn-a Mizoram mi leh sa tangkhang rawn haw chu mi 13,111 an tling tawh nia hriat niin Vairengte kaltlanga rawn haw mi 4337 chhinchhiah an ni a. Mizoram mi leh sa tangkhang rawn haw tur hi mi sang khat chuang hret vel la awm tura ngaih a ni.
India-ah COVID-19 hri kai 7,93,802 an tling tawh
India rama COVID-19 hri kai hmuhchhuah chu nimin khan mi 7,93,802 an tling ta a, darkar 24 kalta chhung khan hri kai hmuhchhuah 26,506 an awm leh a ni.
Mizoram lirnghing chungchang Chief Minister in Union Minister of Mines hnenah a thlen
Chief Minister, Zoramthanga chuan nimin khan Union Minister of Mines, Pralhad Joshi hnenah tunhnaiah Mizoram khawchhak tlangdung chu lirnghingin vawi tam tak a sawi tawh thu leh heng thil thleng hi uluk leh chiang zawka zir tur mithiam rawn tir turin ziakin a thlen.
Health Secretary in hri dona a hmalakna a fak
Health Secretary, H.Lalengmawia chuan COVID-19 dona kawnga Champhai District hmalakna chu chhuanawm a tih thu a sawi.
VC Roll siam hna thawk chhunzawm leh dawn
Mizoram-a Village Council inthlanpui neihna tura Electoral Roll siamthat hna thawh mek chu chhunzawm a ni leh dawn ta.
H&TE Minister hovin College Principal ten zirna kalpui zui zel dan tur an sawiho
Higher & Technical Education Minister, Dr. R.Lalthangliana hovin nimin khan Higher & Technical Education Officers leh Govt. Colleges leh Institutions-a Principal-te chuan Institute of Advanced Study in Education (IASE) Conference Hall-ah Meeting an nei.
N. Vanlaiphai Rahsi Veng YMA in lawmman dawng
Central YMA in YMA Kumpuan, ‘Zirna Uar’ tih hmanga Video Clip insiamsiakna a buat-saih lawmman semna chu nimin khan neih niin N. Vanlaiphai Rahsi Veng Branch YMA chuan lawmman pakhatna an dawng a ni.
Home Secretary in tlawh
Mizoram sawrkar-a Home leh Disaster Management & Rehabilitation Dpartment changtu Secretary, Lalbiaksangi chuan nimin khan Serchhip DC Office-a District Emergency Operation Centre (DEOC) leh Serchhip District Jail te a tlawh.
Inkhunghrang 145 awm mek
Serchhip District-a inkhunghranna hmun hrang hrangah nimin khan inkhunghrang mi 145 an awm mek.
Gas buk tlinglo 63 thawnkir
Legal Metrology Enforcement Staff ten niminpiah-a Serchhip-a eirawngbawlna Gas buk tlinglo an man chu a vaiin Bur 63 a ni a, heng te hi nimin khan thawnlet a ni.
Cheng nuai 513 seng-a Mat Lui Chawm kai-a Lei dawh chu hman theih tura hawn a ni ta
NEDP sum cheng nuai 513 senga Serchhip Mat Phai, Chawm kai-a Galvanised Bailey Bridge dawh thar chu nimin khan PWD Engineer-in-Chief, Er. K. Lalsawmvela MES chuan a hawng a. He Lei hi Mizoram-a Galvanised Bridge pahnihna leh PWD in Galvanised Bridge an dawh hmasak ber a ni.
Mizoram-a mi 15,523 te Swab Sample enfiah tawh
Nimin thleng khan Mizoram-a mi 15,523 te Swab Sample enfiah ni tawhin heng atang hian COVID-19 hri kai 203 hmuhchhuah a ni tawh.
India-ah hri kai hmuhchhuah 7,76,296 an tling ta
Darkar 24 kalta chhung khan India ramah COVID-19 hri kai hmuhchhuah thar 24,879 an awm leh a, heng te nen hian hri kai hmuhchhuah zawng zawng chu 7,76,296 an tling tawh.
Thla 5 dang PMGKAY kalpuina tur pawm a ni
Prime Minister, Narendra Modi-a kaihhruaina hnuaia Union Cabinet thukhawm chuan COVID-19 Economic Response peng pakhat atan a ruahman, Pradhan Mantri Garib Kalyan Anna Yojana (PMGKAY) chu thla nga dang - July atanga November, 2020 thleng pawtsei tura ruahmanna siam chu a pawm.
Deputy Speaker in ‘FLAM’ lehkhabu a tlangzarh
Assembly Deputy Speaker, Er. Lalrinawma chuan ‘FLAM’ (Former Legislators Association of Mizoram) lehkhabu tih lehkhabu, Deputy Speaker lo ni tawh, K.Sang Chhum ziah chu a Pisa-ah a tlangzarh.
Saitual District-ah chhawmdawlna semchhuah a ni
COVID-19 dona atana mi inphal ten Saitual Bawrhsap hnena an chhunluh tlingkhawm Rs. 5,06,500 chu nimin khan chhungkaw harsa chhawmdawl nan sem chhuah a ni.
Mobile Phone atanga loneih leh a kaihhnawih hrang hrang hriat theihna tur ‘Loneitu’ tlangzarh a ni
Loneituten awlsam taka Mobile Phone atanga loneih leh a kaihhnawih hrang hrang, an tangkaipui tur hriat theihna Mobile App 'Loneitu' tih chu nimin khan Agriculture Minister, C. Lalrinsanga chuan a tlangzarh.
Chawmkai Lei hawng dawn
Serchhip Mat phai-a Chawmkai-a Bailey Bridge dawh thar chu Vawiin chawhma dar 11:00 hian mipui hman theih tura hawn a ni dawn ta a, he Lei dawh thar hi PWD Engineer-in-Chief, Er. K. Lalsawmvela MES chuan a hawng ang. Vawiin vek chawhnu dar 2:00 hian Then-zawl leh Buarpui inkar Tlawng lui-a Lei dawh thar pawh Er. K. Lalsawmvela hian a hawng nghal dawn bawk a ni.
DRDA Project Director thlah
Serchhip DRDA Project Director, H. Do-lianbuaia chu a kaisan avanga a awmna sawn a nih avangin nimin khan Serchhip DRDA Staff te chuan a thlahna hun an hmang a, Vawiin hian amah thlaktu tur, Malsawmtluanga hnenah DRDA Project Director mawhphurhna hi a hlan nghal dawn nia thudawn a ni.
Ram buai-ah inremna siam
Tunhnaia Serchhip District chhung, Lungkawlh khuaa Cultural Centre-cum-Public Toilet sakna tur ram chungchanga harsatna awm chu chinfel a ni ta.
Gas buk tlinglo man
Serchhip-a Legal Metrology Enforcement Staff te chuan nimin khan Serchhip-ah Gas buk tlinglo thahnem tak an man.
MNF ten FIR thehlut
MNF Unit-II P&E Veng Serchhip chuan nimin khan Serchhip Police Station-ah FIR thehlutin thu diklo hmanga an Party puhna chungchang chhui sak turin an ngen.
Serchhip-ah COVID-19 hri kai 2 hmuh belh an ni
Mipui tan chi-ai na tur a awmlo - CMO, Serchhip Serchhip atanga niminpiah-a ZMC Laboratory-a Swab Sample thawn 53 chu niminpiah vek khan enfiah nghal niin COVID-19 hri kai mi 2 hmuhchhuah an ni a, heng te hi BSF Sipai, Dawngzawl-a Battalion Hqrs. a khunghran mek te an ni a. Serchhip CMO chuan mipuite tan chi-ai na tur a awmloh thu a sawi.
MCS Officer te siksawi
Mizoram sawrkar chuan Mizoram Civil Service (MCS) Officer thenkhat awmna siksawiin Serchhip-a SDC leh DLAO hna chelh mektu, Denny Lalchhuanawma chu Bungtlang ‘S’ BDO hna chelh tura sawn a ni a, Champhai-a SDC hna chelh mektu, Dr. Manesia Khaimeichho chu Serchhip-ah SDC hna chelh tur leh DLAO mawh-phurhna la tel tura dah a ni bawk.
Sample 53 thawn leh
Nimin khan Serchhip atangin ZMC Laboratory-a enfiah turin Swab Sample 53 thawn a ni a, nizan lam khan result hi hriat hman beisei a ni.
Huntiam pawtsei
Mizoram sawrkar Food, Civil Supply and Consumers Affairs Department chuan Andhaar leh Ration Card thlunzawmna atana huntiam an lo siam tawh chu an pawtsei.
Tangkhang 13,081 haw tawh
Mizoram mi leh sa State pawn-a tangkhang rawn haw duh in hriattir zinga mi 13,081 chuan Mizoram an rawn thleng tawh.
Mizoram-ah Bank 26 awmin Branch 210 a awm
Kumin March thla thleng khan Mizoram-ah Bank 26 awmin heng Bank hrang hrangte hian Branch 210 an nei a ni.
Mizoram-a Inkhunghrang mi 16,048 an tling tawh
Hri leng avangin nimin thleng khan Mizoram-a inkhunghranna hmun hrang hrangah mi 16,048 dahluh ni tawhin mi 14,065 chhuahtir an ni tawh.
Mizoram atangin Dragon Fruit Sample thawnchhuak
Mizoram tharchhuah Dragon Fruit chu Delhi-a zawrh turin nimin khan a sample te Cooperation Minister, C. Lalrinsanga kaihhruaina hnuaiah M/s MIZOFED Ltd. chuan an thawnchhuak.
Mizoram-ah COVID-19 hri kai mi 200 an chuang ta
Niminpiah khan ZMC Laboratory-ah Swab Sample 115 enfiah niin COVID-19 hri kai pakhat hmuhchhuah a ni a, nimin khan Lunglei-ah hri kai pathum hmuhchhuah leh niin Mizoram-a hri kai hmuhchhuah chu 200 an chuang ta a ni.
“Sawrkar hnathawkte pawisa an puk sak hrih hi khawiah nge an thehthang?” - MPYCC
Mizoram Pradesh Youth Congress Committee (MPYCC) chuan, “MNF Sawrkar hian Sawrkar hnathawkte pawisa an puk sak hrih hi khawiah nge an thehthang?” tiin Sawrkar hnathawkte hlawh pek tur harsat avanga sawrkar mualphona tur hliahkhuh nana COVID-19 chhuanlam atana sawrkarin a hmang chu zep lova puang law law tura an phut thu an sawi.
NCAM ten Badge dum bel an titawp ta
National Health Mission Contractual Association Mizoram (NCAM) chuan sawrkar laka lungawilohna lantira Badge dum an bel mek chu nimin atang khan an titawp tih an sawi.
Kumin-ah Malaria vei hmuhchhuah 2317 awmin Malaria vanga nunna chan mi 3 an awm tawh
Kumin January atanga May 2020 inkar chhungin Mizoram-ah Malaria vei hmuhchhuah mi 2317 awmin Malaria vanga nunna chan mi 3 an awm bawk a. Nikum 2019 khan January atanga December 2019 inkar chhungin Malaria vei mi 8543 awmin thihpui mi 8 an awm bawk.
Sipai lo dawnsawn dan tur sawihona neih a ni
Tunhnaiah Mizoram pawn atanga Sipai rawn lut zingah COVID-19 hri kai hmuhchhuah an awm avanga Serchhip District chhunga heng Sipai te lo dawnsawn kawnga hmalak dan tur sawihona chu nimin khan Serchhip District Bawrhsap hovin neih a ni.
Dan bawhchhia tam tawh
Kumin May 4-a The Mizoram (Containment and Prevention of Covid-19) Ordinance, 2020 hman a nih hnuah nimin thleng khan Serchhip District-ah he Dan bawhchhia mi 1392 man an ni tawh a, heng zinga 804 hi Police man niin mi 531 hi Police Flying Squad te man an ni a, mi 57 te chu Village Level Task Force te man an ni thung. Serchhip District chhunga he Dan bawhchhia man te pawisa chawi tlingkhawm hi Rs. 1,84,600/- a tling tawh bawk a ni.
VC ten mipui rawn tul ti lo
Serchhip-VII Village Council chuan tunhnaia Serchhip District Hospital-a Ambulance an hlan tak leina atan mipui sum cheng khat pawh a tello nia sawiin, hei vang hian mipui rawn pawh tul an tihloh thu an sawi.
Bawrhsap thar in Serchhip District-a MJA member te kawmin inpawh taka thawhpui-ah a sawm
Serchhip District Bawrhsap thar, Kumar Abhishek, IAS chuan nimin khan Serchhip District MJA Member te chu a Pisa-a leng-ah sawmin inkawmna an nei a, MJA member te chu Serchhip District tana hmalakna hrang hrangah inpawh taka thawhpuiah a sawm.
Mizoram-ah hri kai 6 hmuh belh leh a ni
Niminpiah khan ZMC Laboratory-ah COVID-19 Sample 49 enfiah niin hri kai mi 6 hmuhchhuah an ni a, an zinga mi 5 chu mipa niin hmeichhia pakhat a tel bawk.
Thalaite tan MYC leh Bank hotute an thukhawm
COVID-19 hripui leng avanga rampawn atanga Mizo thalai rawn haw leh an hna chan ten leirem an lo rah leh theih nan Mizoram Youth Commission (MYC) leh Bank thuneitute chuan nimin khan Aizawl-a Planning & Programme Implementation Department Conference Hall-ah thutkhawm an nei a, Deputy Chief Minister Tawnluia chuan a kaihruai a ni.
Thenzawl-ahTask Force ten FIR an thehlut
Tunhnaia Lawngtlai-a Quarantine tur, hri an vei tih hmuhchhuah te zalen taka an khawsak theih dan chhui-a Dan an bawhchhiatna ah an chunga Dan anga Action lak a nih theih nan nimin khan Thenzawl Town Task Force Committee chuan Thenzawl Police Station-ah FIR an thehlut.
COVID-19 chungchanga sawrkar hmalakna thlirho; Mipui-a hri a darh loh nan hmalak dan tur rel a ni
Health Minister, Dr R.Lalthangliana hovin nimin khan Mizoram-a COVID-19 dinhmun thlirhona neih a ni a, mipui zinga he hri hi a darh lohna tura invenna atan State pawn atanga lirthei rawn lut enkawltute endik tur leh Sipai te pawhin hri an thehdarh lohna tura ruahmanna siamchungchang te sawiho a ni.
Hri kai hmuhchhuah nuai 7 tling dawn hnai
India ramah COVID-19 hri kai hmuhchhuah mi nuai 7 an tling dawn hnai ta a, darkar 24 kalta chhungin hri kai hmuhchhuah thar mi 24,248 an awm a ni.
State sum in kawng siam dawn
Chief Minister, Zoramthanga chuan tun dinhmunah Bairabi Bypass kawng thawmthat hna chu State sum a thawh rih a ni ang, a ti.
Tuirial-a chhungkaw 50 hnenah thilpek sem
ZeroTrash, Mumbai leh Green Mizoram Network (GMN) te tangkawp chuan nimin khan Tuirial Airfield huamchhunga chhungkaw 50 te hnenah nitin mamawh eitur (Ration Kit) chi hrang hrang an sem.
Kawlkulh PHC tan bialtu MLA in tan Ambulance hlan
Lengteng bialtu MLA leh Human Resources Development Board Vice Chairman, L. Thangmawia chuan Kawlkulh PHC hnenah nimin khan Ambulance a hlan.
Cancer vangin KL. Liana boral
Mizoram-a eiruk dona kawnga mi hriat hlawh leh sawrkar hnathawk zinga eiru lo nia hriat, KL. Liana chu nimin tlai dar 3:00 khan Cancer vangin a boral a, Vawiin-ah vuiliam a ni ang.
Inkhunghrang 121 awm
Hri leng mek avangin Serchhip District-ah inkhunghrang mi 121 an awm mek a, nimin khan Sample 12 te chu enfiah turin ZMC Laboratory-ah thawn a ni.
DC in Press mi kawm dawn
Serchhip Dstrict Bawrhsap thar, Kumar Abhishek chuan Vawiin chawhma dar 11:00 hian MJA Serchhip District member te chu a Pisa-a leng-ah sawmin inkawmna an nei ang.
Bawrhsap in NGO te kawm
Serchhip District Bawrhsap thar, Kumar Abhishek IAS chuan nimin tlai khan a chenna In ah Serchhip District NGO Coordination Committee hruaitute kawmin thawhhona tha tak neih a duh thu a sawi.
Serchhip-a MHIP Branch hrang hrang ten MHIP Day midangte tanpuina atan an hmang
Nimin July 6, 2020 kha Mizo Hmeichhe Insuihkhawm Pawl (MHIP) Day vawi 46-na a ni a, Serchhip-a MHIP Branch hrang hrangte chuan an remchan ang theuhin an hmang.
Thenzawl khua ah hri darh palh theih vangin Total Lockdown kalpui leh nghal a ni
Tunhnaia Lawngtlai District-a hri kai hmuhchhuah te chu Thenzawl khua ah chawl-a thil te an lei avangin nimin khan Serchhip District Bawrhsap, Dr. Kumar Abhishek hovin hri darh thei laka hmalak dan tur Serchhip-ah sawiho a ni a, Thenzawl khua ah hian karleh Thawhtanni thleng atan Total Lockdown kalpui nghal a ni.
Ambulance pek chungchangah thuchhuah siam
Serchhip-VII Village Council huamchhunga awm Serchhip Chanmari Veng Congress Unit I&II Joint Committee chuan Serchhip-VII VC in Serchhip District Hospital a hman tur EECO Van Ambulance an pek chu Serchhip District mipui tan thil lawmawm leh chhuanawm tak a nih laiin Serchhip-VII huamchhunga mipui tan chuan ngaihtuah zui tur tam tak a awm nia an hriat thu an sawi. An thuchhuah a ngai ngaiin :
India ramah hri kai an la pung chho zel
India ramah COVID-19 hri kai hmuhchhuah leh enkawl dam an pung zel a, nimin thleng khan hri kai hmuhchhuah chu 6,73,165 an tling tawh.
Hna chan mi 2000 chuang inziaklut tawh
Hripui leng avanga hna chan, Mizo thalai 2000 chuang Mizoram Youth Commission (MYC)-ah an inhriattir tawh.
Aizawl Smart City project hnuaiah cheng vbc. 41 zet a riral thei dawn niin ZPM ten an hria
ZPM chuan Aizawl Smart City Project hnuaia hmun hrang hranga CCTV System (Integrated Control and Command Centre - ICCC) dah tura hmalakna kal mekah cheng vbc. 41 zet chu tu ten emaw an fanghmano eiin a riral ngei dawn nia a lan thu an sawi.
Mizoram-ah hri kai pung zel
Mizoram-ah COVID-19 hri kai hmuhchhuah leh enkawl dam an pung zel a, nimin thleng khan hri kai hmuhchhuah mi 186 zet an tling tawh.
Vawiin MHIP Day vawi 46-na
Vawiin July 6, 2020 hi Mizo Hmeichhe Insuihkhawm Pawl (MHIP) Day vawi 46-na a ni a, sawrkar Pisa chawlh a nih angin sawrkar Pisa te khar a ni anga, inkharkhipna kalpui a nih mek avangin member pum huapa a lawmna erawh neih a ni lo thung ang.
Inkhunghrang awm belh leh
Serchhip District-ah nimin khan hri leng avanga inkhunghrang mi 33 awm belh lehin inkunghrang mi 92 an awm leh tawh.
Bazar-ah Mask sem leh
Serchhip District Bharat Scouts & Guides te chuan Inrinni zing khan Serchhip Bazar-a chaw-hmeh zuar te hnenah Mask semin Serchhip Police te hnenah Mask 50 an hlan bawk.
Surgeon dah vangin Health Minister lawmthu hrilh
Serchhip District NGO Coordination Committee chuan Serchip-a rawn kal Health Minister, Dr. Lalthangliana chu lo hmuin Serchhip-ah Surgeon dah a nih avanga lawmthu an lo hrilh.
Health Minister in Serchhip rawn tlawhin COVID-19 dona a hmalak dan thlirho a ni
Health Minister, Dr. R. Lalthangliana chuan Inrinni khan Serchhip rawn tlawhin District Level Task Force on COVID-19 te leh Serchhip District chhung PHC hrang hranga Medical Officer te kawmin COVID-19 dona kawnga an hmalakna te an sawiho.
Health Minister rawn kal dawn
Health Minister, Dr. R. Lalthangliana chuan Vawiin hian Serchhip a rawn tlawh dawn a, tlai dar 3:00-ah District Level Task on COVID-19 leh Serchhip District chhung PHC-a Medical Officer te Serchhip DC Meeting Room-ah a kawm anga, Serchhip-ah zanriah eiin Aizawl a pan leh nghal dawn nia thudawn a ni.
Addl. DC tur ruat thar
Serchhip-a Addl. DC hna chelh mektu, HD. Lalpekmawia chu Mamit DRDA Project Director hna chelh tura sawn a nih hnuah Serchhip Addl. DC hna chelh turin K. Lalhmuakliana chu rawn dah a ni a, amah hi RD Department-a Joint Director hna chelh lai niin tunhma lam khan Thenzawl-ah SDO (Civil) hna pawh alo chelh tawh thin a ni.
Inkhunghrang 53 awm mek
Serchhip District-ah COVID-19 hri leng avanga inkhunghrang mi 53 awm mekin hri kai enkawllai an awmlo.
MHIP ten thilpek an hlan
Khumtung Branch MHIP te chuan Serchhip District-a COVID-19 hri leng avanga khunghran mek te tan nimin khan thlai leh chawhmeh chi hrang hrang an hlan.
Bazar building hawn tan a ni
Kumin March 23-a rampum-a inkharkhip kalpui a nih atanga khar tawh Serchhip Bazar Building chu ni 102 zet hnuah nimin khan hawn tan a ni leh ta.
Serchhip-ah SEDP kaltlangin Kel vulh tanpuina semin Sangha chi hralhchhuah a ni
Mizoram sawrkar Flagship Programme, SEDP kaltlangin nimin khan Serchhip District chhunga Kel vulhtute hnenah tanpuina semchhuah niin Sangha khawitute hnenah man tlawm zawkin Sangha chi hralhchhuah a ni.
Work Order pek sawifiah
Sports & Youth Services Department chuan thuchhuah siamin tunhnaia Mizoram State Sports Council hnuaia Work Order tihchhuah chu a sawifiah.
Nikhat-ah hri kai sing hnih chuang hmuchhuak
India rama COVID-19 hri kai hmuhchhuah chu 6,25,544 a tling ta a, darkar 24 kalta chhung khan hri kai thar hmuhchhuah 20,903 awmin hei hi nikhat-a hri kai hmuhchhuah an tam ber tum a ni.
Minister in Chakai Farm Pilot Project a tlawh
Fisheries Minister, K. Lalrinliana chuan nimin khan Chakai Farm Pilot Project anga kalpui mekna, Dumlui, Kolasib chu tlawhin Fisheries Department hnuaia Blue Revolution kaltlanga Sangha Dil siam thenkhatte a tlawh bawk.
NHM hnuaia Contract-a thawk ten Badge dum an bel
National Health Mission (NHM) hnuaia Contract-a thawkte chuan an hlawh hrensak thin an nih vanga lungawilohna lantir nan nimin atang khan an hnathawhna hmunah Badge dum belin lungawilohna an lantir.
Hri kai 2 hmuhchhuah niin enkawl dam 1 awm
Niminpiah-a ZMC Laboratory-a Sample enfiah zingah hri kai hmuhchhuah mi 2 awmin nimin khan hri kai pakhat enkawl dam a ni thung.
July 15-ah School Academic Session tan theih a ni dawnlo - Education Minister
School Education Minister, Lalchhandama Ralte chuan July 15,2020-a School Academic Session tan tura ruahmanna lo siam tawh chu Ministry of Home Affairs-in COVID-19 vei pung chho zel avangin India ram pumah July 31 thleng zirna la tan rih loh tur a tih avangin kaltlangpui theih a ni dawn rihlo tih a sawi.
Serchhip District Bawrhsap thar in a hna a zawm
Serchhip District Bawrhsap kalchhuak tur, Dr. Lalzirmawia Chhangte chuan nimin khan Bawrhsap thar tura ruat, Kumar Abhishek, IAS hnenah Bawrhsap mawhphurhna a hlan ta.
Congress Party in hrethiamlo
MPCC Media Department chuan sawrkar hnathawk hlawh pek kim theihloh laia fair lo taka hna inpek awm reng chu an hriatthiamloh thu an sawi.
Hri kai hmuhchhuah mi nuai 6 an tling ta
India rama COVID-19 hri kai hmuhchhuah chu nuai 6 an tling ta a, hri kai zingah nunna chan mi 17,834 an awm tawh bawk.
Commerce and Industries Minister hovin thukhawm
Commerce and Industries Minister Dr. R.Lalthangliana chuan thalaite tan Commerce and Industries Department huanga Food Processing, Handloom, Textile, Bamboo, Mineral Resources leh a dangte hmangin eizawnna tam tak siam belh theih a ni, a ti.
Phullem phahna tur Lungphum phum
Sports Minister, Robert Romawia Royte chuan Lengpui Football Playground-a Phullem (Artificial Turf) phah turin nimin khan Lungphum a phum.
AH&Vety Department hotute zinkual mek
AH&Vety Department hotute chu tunlai hian Mizoram ramri dep khaw hrang hranga duty te tlawha zinkualin lawmthu sawina an neih bakah tanpuina an hlan.
Gas man bithliah thar
Mizoram-a eirawngbawlna Gas man tur bithliah thar niin hemi ang hian Serchhip-ah chuan Kg. 14.2-a rit eirawngbawlna Gas man chu bur khat zelah Rs. 740/- a ni anga, Point Delivery a sem chuan Rs 7.53 belh tur a ni ang.
Serchhip Addl. DC sawn
Serchhip-a Addl. DC hna chelh mektu, HD. Lalpekmawia chu Mamit-ah DRDA Project Director hna chelh tura sawn a ni a, a aiawh tur erawh ruat ala ni lo thung. Hetihlai hian Serchhip DRDA Project Director hna chelhtu, H. Dolianbuaia chu sawn a nih hnuah Siaha Addl. DC hna chelh mektu, Malsawmtluanga chu Serchhip DRDA Project Director hna chelh tura sawn a ni bawk a, amah hi hun engemaw chen Serchhip a BDO hna lo chelh tawh a ni.
Bazar building hawng dawn
Rampum-a inkharkhip kalpui a nih avanga thla thum (3) chuang zet hawn tawhloh Serchhip Bazar Building chu Vawiin atang hian hawn tan a ni dawn ta a, chawhmeh leh thawmhnaw te pawh zawrhchhuah nghal a ni ang.
Samagra Shiksha hnuaia Zirlaibu sem tur Serchhip atangin vailiam a ni
Samagra Shiksha hnuaia Serchhip District chhunga Primary School leh Middle School zirlaite hnena a thlawna lehkhabu sem tur chu nimin khan Serchhip atangin Serchhip DEO leh Samagra Shiksha-a DPC, Zohmangaihi chuan a vailiam.
COVID-19 kai mi 126 enkawl dam an ni tawh
Nimin khan Mizoram-ah COVID-19 hri kai mi 3 te chu damdawi In atanga chhuahtir niin tun dinhmunah Mizoram-ah hri kai mi 126 te chu enkawl dam an ni tawh.
Serchhip-a COVID-19 kai enkawl dam vek niin Serchhip District-ah hri kai an awm tawhlo
Serchhip-a COVID-19 hri kai hmuhchhuah zawng zawngte chu enkawl dam niin nimin khan anmahni enkawlna hmun atanga chhuahtir vek an ni a. Serchhip District atanga Swab Sample enfiah tura thawn zawng zawngte pawh an result hriat kim ni tawhin khunghran mek zingah Sample lak tur 39 ala awm bawk.
Zan lamah pawn chhuah khap
Nimin atanga Mizoram puma zangkhai zawka inkharkhipna kalpui a nih hnuah Serchhip District Magistrate, Dr. Lalzirmawia Chhangte chuan Section 144 of Cr.Pc,1973 in thuneihna a pek angin Serchhip District chhungah zan dar 7:30 atanga zing dar 4:30 inkarah pawnchhuah khapna thupek chu nimin khan a tichhuak a, he thupek hian Dan leh thupek kawngkawhtute, PHE leh P&E bakah Fire & Emergency Services-a thawktute, Media lama thawktute leh phalna pek bik leh VLTF Duty leh VLTF in phalna an pek bik te a huam lovang. He thupek hi chhuah a nih atanga thla hnih (2) huam tur niin thupek lo awm tawhsa te chu a luahlan dawn a ni.
VLTF ten tanpuina hlan
Chhiahtlang VLTF te chuan hri leng laka Mizoram a him theihna tura ramri-a duty te tanpuina atan nimin khan Serchhip Sub-Hqrs. YMA kutah Rs. 20,000/- an hlan.
HSSLC Exam chhunzawm
Hri leng avanga pawl 12 (HSSLC) Exam neihlai chhunzawm theihloh chu nimin khan Mizoram pumah chhunzawm niin Serchhip-ah pawh Exam Centre, Govt. HSS Serchhip-ah Exam hi chhunzawm a ni a, Subject 5 Exam tur awmah Centre-a Exam lai mi 218 bakah hri leng avanga mahni Exam Centre-a Exam chhunzawm theilo mi 19 ten an Exam dawn a, Serchhip Centre a exam lai mi 3 te chu hmundang ah an Exam ve dawn bawk a ni.
Zangkhai zawkin inkharkhipna kalpui tan a ni
Nimin atang khan Mizoram-ah zangkhai zawka inkharkhipna chu kalpui tan leh a ni ta a, Serchhip District Bawrhsap chuan zan lama mipuite pawn chhuah khapna thupek a tichhuak bawk.
Result hriat chin negative
Niminpiah-a Serchhip District atanga Swab Sample thawn zinga 20 te chu hri lakah an him tih nemgheh niin Sample dang pathum result ngaih-chan mek a ni.
BS&G ten Face Mask an sem
Serchhip District Bharat Scouts & Guides te chuan nimin khan Serchhip-a damdawi In leh DC Office-ah te hmui tuamna (Mask) thahnem tak an sem.
Serchhip-VII VC ten Serchhip District Hospital tan Ambulance an hlan
Serchhip-VII Village Council chuan Rs. 6,15,376/- senga Ambulance an lei chu nimin khan COVID-19 do nan leh a tul apianga hman atan Serchhip District Hospital hnenah an hlan.
Serchhip-a Sa man tur bithliah a ni
Nimin-a Serchhip District Bawrhsap hova Sa Zuartu leh Ar vulhtu pawl bakah tlawmngai pawl te thukhawm chuan Serchhip Bazar-a Sa chi hrang hrang man tur an bithliah.
Mizoram-ah hri kai hmuh belh leh an ni
Mizoram-ah COVID-19 hri kai enkawl dam an nih mek laiin nizan hmasa khan hri kai hmuhchhuah thar mi 9 an awm leh a, an vai hian Siaha District mi vek an ni.
Rotary Club of Aizawl in thilpek an hlan
Rotary Club of Aizawl chuan COVID-19 dona atan an luanchhuahna kal zelah nimin khan Aizawl Police Station leh Aizawl Press Club tan Mask, Hand Sanitizer leh sumfai an hlan.
Zo Heritage Centre din tuma hmalak mek a ni
Tourism Minister, Robert Romawia Royte chuan Zo Heritage Centre dinna tur hmun zawn mek a nih thu sawiin, Samtlang khawtlang hruaitute chuan Zo Heritage Centre atana ram pek an phal thu an sawi.
Thlamuang takin awm ila, kan tih tur chinah erawh thuawih leh strict takin awm ang u - Health Minister
Health Minister, Dr. R. Lalthangliana chuan Mizoram chu Pathian in mal a sawm tih sawiin, “Thlamuang takin awm i la, kan tih tur chinah erawh thuawih leh strict takin awm ang u,” tiin COVID-19 hri do kawng ah Mizoram hmalakna chuan Sawrkar laipui fak a hlawh thu a sawi.
Chanchin thar thenkhat :
MZP in Remna Ni an hmang MZP General Hqrs. buatsaihin nizan hmasa khan Ignite Studio-ah Remna Ni lawmna neih a ni a, he hun hi Deputy Chief Minister, Tawnluia chuan a hmanpui a ni. Remna Ni lawmna ah hian Deputy Chief Minister chuan Remna Ni chu Mizo National Movement in a hrinchhuah a ni tih sawiin, “Mizoram Buaina kan tih thin hi Helna leh Kawhmawh bawlna avanga lo awm a ni lova, Hnam Movement a nih avangin inbiakna pawh Political Level-ah neih a ni a. He Inremna hian Mizoram pawh dinhmun sang zawkah dahin Political and Administrative thil pawh a kengtel,” a ti bawk. He hunah hian MZP General Hqrs. President, B. Vanlaltana pawhin zalen kan nih theihna tura nasa taka beitute leh Remna leh muanna kan neih theih nana theihtawp chhuahtute MZP chuan zahna chibai an buk tih a sawi bawk. MIMA in lawmthu an sawi Mizoram Merchant Association (MIMA) chuan MIMA leh sumdawng pawl hrang hrang ten sawrkar an ngenna ngai pawimawha dawr leh sumdawnna hmunte hawn phal a ni ta chu an ...
MYC in hna chante chungchang an sawiho
Mizoram Youth Commission (MYC) Chairman, Dr. Vanlaltanpuia MLA hovin nimin khan COVID-19 avanga thalai hna chan ten hna an thawh leh theihna tura hmalak dan tur sawiho a ni.
India ramah hri kai hmuhchhuah 5,66,840 tling ta
India ramah COVID-19 hri kai hmuhchhuah thar mi 18,522 an awm leh a, hrikai hmuhchhuah zawng zawng 5,66,840 an tling tawh.
Mizoram-ah hri kai enkawl mi 29 chiah awm tawh
Mizoram-a COVID-19 hri kai hmuhchhuah zingah enkawl dam pung zelin nimin thleng khan hri kai enkawl mek mi 29 chiah awm tawhin mi 122 te chu enkawl damin damdawi In atanga chhuahtir an ni tawh.
Dawr, sumdawnna hmun leh eizawnna hmun dangte a pangngaia hawn theih a ni tawh dawn
Hri leng avanga Mizoram-a inkharkhipna kalpui mek chu Vawiin atang hian zangkhai zawka kalpui chhunzawm a ni dawn a, hemi atan hian nimin khan inkaihhruaina thar pawh tihchhuah niin Dawr, sumdawnna hmun leh eizawnna hmun dangte chu a pangngaia hawn theih a ni tawh ang.
MNF Thalai ten thisen pe
Nimin-a Remna Ni pual hian MNF Thalaite chuan Mizoram-a Blood Bank hrang hrangah thisen pekna hun buatsaihin Serchhip-ah pawh thisen Unit 28 pek a ni a. Serchhip-a thisen pekna hun hi Lalengkima, General Secretary, MNYF chuan rawn hmanpuiin he huna thisen pe tura an Party Block panga (5) atanga thalai kalkhawmte chu Remna Ni chibai bukin, ram leh hnam tana nunna hlantute hnungzui a, midangte tana malsawmna ni tura thisen pe tura an kalkhawm chu lawmawm a tih thu a sawi. Hemi hnu hian Ser-chhip Blood Bank-ah thisen pekna neih zui niin mipa 27 leh hmeichhia pakhat, an vaiin mi 28 ten thisen an pe a, Mizoram pumah thisen Unit 264 an pe a ni.
Remna Ni hman a ni
Nimin June 30, 2020 kha India sawrkar leh MNF ten inremna an ziahna Ni champha-phak, Remna Ni vawi 34-na a ni a, inkharkhipna kalpui mek a nih avangin he Ni puala hun hman liantham erawh a awmlo thung.
PHE in JJM kalpui tan
Kum 2024 hmaa Thingtlang miten an mahni kawtkai ngeia Tui in tur thianghlim an neih theih na tura hmalakna, Jal Jeevan Mission (JJM) chu tunlai hian PHE Serchhip WATSAN Division hnuaia Tlungvel Sub-Division ten khaw pasarih (7)-ah an thawk tan mek.
Mipui ten Doctor nghakhlel
Serchhip Thalai Pawl (STP) chuan Serchhip-a Doctor thar tur, Dr. Lalruatliana Pachuau in a hna thar a zawm hun tur Serchhip mipui ten nghakhlel takin an thlir reng tih an sawi.
Serchhip District-ah inkhunghrang 1027 awm tawhin mi 999 chhuahtir an ni tawh
COVID-19 hri leng avangin nimin thleng khan Serchhip District-ah inkhunghrang mi 1027 an awm tawh a, heng zinga 999 te chuan inkhunghranna hun hmang zovin chhuah zalen an ni tawh a, mi 28 te inkhunghranna hmunah an la awm.