Congress in CM atan Lalsawta a hual - Zodintluanga

Congress Legislature Party (CLP) Leader leh MPCC Treasurer Zodintluanga Ralte chuan MPCC President Lalsawta chu Chief Minister atana Congress Party-in an hual a ni tih a sawi.

Mizoram chhim lama zin CLP Leader leh MPCC Treasurer ni bawk Zodintluanga Ralte hian nimin khan Tuipang-a Vantlang Inkhawm ah kum 2023 MLA Election-ah Congress Party-in sawrkarna siam a tum zia a sawi a, “Pu Lalsawta hi Congress Party-in Chief Minister atana kan hual a ni. Mi dik leh rinawm, eirukna a mi fihlim, Finance enkawlna kawnga hmingtha em em a ni a, a ho hian kum 2023 MLA Election-ah kan chak ngei pawh kan ring. Mizoram mipuite sawrkar tha siam tura thawhpuiah ka sawm che u a ni,” a ti bawk.