Nikum chhungin HIV hrik pai 1869 hmuchhuak

Nikum chhung khan Mizoram-ah HIV hri kai hmuhchhuah mi 1,869 an awm a, chung zinga mi 230 (1.2%) te chu nu nau pai an ni.

Mizoram State AIDS Control Society (MSACS) chhinchiah danin, nikum January - December chhung khan Aizawl District-ah mi 18,535 enfiah atangin HIV hrik pai 974 (5.3%) hmuhchhuah an awm a, nu nau pai 8,085 endik atangin 124 (1.5%) hmuhchhuah an awm a. Champhai District-ah mi 4,577 endik atangin HIV hrik pai 137 (3.0%) bakah nu nau pai endik 2,891 atangin 24 (0.8%) hmuh an ni a. Kolasib District-ah mi 2,747 endik atangin HIV hrik pai 106 (3.9%) leh nu nau pai 1,489 endik atangin 11 (0.7%) hmuh an ni a, Lawngtlai District-ah mi 2,538 endik atangin HIV hrik pai 70 (2.8%) leh nu nau pai endik 1,348 atangin 9 (0.7%) hmuhchhuah an ni bawk.

Lunglei District-ah mi 3,825 endik atangin HIV hrik pai 179 (4.7%) leh nu nau pai endik 2,146 atangin 27 (1.3%), Mamit District-ah mi 1,980 endik ah HIV hrik pai 59 (3.0%) leh nu naupai 1,197 endik atangin 13 (1.1%) hmuh an ni a. Siaha District-ah mi 1,361 endik atangin HIV hrik pai 51 (3.7%) leh nu nau pai 1,106 endik atangin 9 (0.8%), Serchhip District-ah mi 3,259 endik atangin HIV hrik pai 63 (1.9%) leh nu nau pai 1,424 endik atangin 13 (0.9%) hmuhchhuah an ni bawk.