Ebenezer Medical Center-a Medical Director hnenah 'Citizen Liason Volunteer of the Year Award' hlan
He Award hi Mr Warren Newton, Vice Consul in Hotel Regency ah a hlan a, US Ambassador to India Mr Sergio Gor sign Certificate leh memento a kengtel a. Dr Siama chuan he Award a pawmna ah thu sawiin Award hi ama dawn ni lovin, Ebenezer Medical Center dawn nia a ngaih thu a sawi a. US Citizen damlo enkawlna ah hian Ambulance Driver, Nurse, Doctor te leh Hospital staff leh Administration zawng zawngte tangrualin theihtawp an chhuah tlan thu a sawi a, he award hi chumi rah chu a ni tih a sawi a ni. A sawi zelna ah Ebenezer Hospital tum ber chu Damlo enkawlna hmanga mi nun thlak danglam (Transforming Lives through healthcare) a nih thu sawiin damlo rethei leh hausa, ram chhung mi leh ramdang mi te an damloh laia enkawltu nih chu an rawngbawlna (mission) a nih thu a sawi a ni.
He award hi Mr Collin Mayfield, USA Citizen Mayanmar a rahpuah bomp rap a chesual, Dec 1st, 2025 a Mizoram (India) a rawn hruai luh, Ebenezer Medical Center a enkawlna avanga hlan a a ni a, Ebenezer Hospital ah hian thla khat vel enkawl niin Dr Lalrinliana Varte, Ortho Surgeon in a zai a, chumi hnuah dam leh him takin hruai haw a ni ta a ni.
US Consulate Kolkata aiawhte sawi danin hetiang award hi India ramah a vawi khat buatsaih a nihna niin Dr Vanlalsiama Chhangte hi a dawng hmasa ber a ni.
Doctor leh Nurse te hian chawimawina leh lawmman an dawng khat hle a, hetianga ram dangin an hnathawh te an rawn hriat sak hi lawmawm a tih thu Dr Vanlalsiama Chhangte chuan a sawi a, Mizoram ah Health lama hmasawnna thlen turin theihtawp chhuah zel Ebenezer Medical Center in an tum thu a sawi bawk.