Serchhip District-ah Restricted Area-ah puang leh

/

Serchhip District chhunga COVID-19 hri kai hluar zualna Veng leh khaw thenkhat te chu nimin atang khan hmun khuahkhirh bik (Restricted Area)-ah puan leh a ni.

Nimin a Serchhip District Bawrhsap leh District Disaster Management Authority-a Chairman ni bawk Nazuk Kumar-i’n thuchhuah siama a tarlan danin Ser-chhip Town chhunga P&E Veng, Vengchung leh Zozam Veng bakah Thenzawl Town Area, Khawlailung, North Vanlaiphai-a Bangla Veng, Damdawi Veng leh Venglai te, Chhingchhip, Chhingchhip Mualpui, Bungtlang Vengsang leh Venglai bakah Thentlang te chu Restricted Area-ah hian puan leh an ni.
Heng Restricted Area-a puan a cheng zawng zawngte chu mahni In-ah inkharkhip tura hriattir niin lirthei tlan tlang turte pawh chawlh emaw, din emaw pawh khap a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »