District Hospital sakna atan CSR Fund hmu dawn

/

Power Grid Corporation of India Ltd. chuan CSR Fund hmanga khum 100 awmna tur Ser-chhip District Hospital sakna tur sum dilna chu an pawm thu an sawi.

Power Grid Corporation of India Ltd. hian niminpiah khan Mizoram Chief Secretary hnenah lehkha thawnin January ni 24, 2022-a Serchhip District Deputy Commissioner hnen atanga lehkha an hmuh angin, khum 100 awmna tur Serchhip District Hospital sakna tura CSR Fund an dilna chu an pawm thu leh hemi atan hian cheng vbc. 21 pawm a nih thu an tarlang a. Hemi chungchang a inremna thuthlung ziak turin NERTS Shillong chuan a tul anga hma an lak mek thu an tarlang bawk a ni.

Tarlan tawh angin Health Department chuan tuna Hospital awmna ah hian damdawi In thar hi sa tura ruahmanna siamin Serchhip NGO Coordination leh VC thukhawm chuan Bukpui ram ah sak nise tiin sawrkar an ngen thung a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »