Hnahthial-ah raltlan te chhinchhiah tan an ni

Nimin atang khan Hnahthial District-ah Myanmar buaina avanga mahni sahimna zawnga Hnahthial District chhunga rawn lut te chhinchhiahna kalpui tan a ni.

Hnahthial DC Office hmalakna a raltlan te chhinchhiahna kalpui ah hian hriat theih chinah Hnahthial khawpui chhunga mi 58 te chhinchhiah hman an ni a, DC Office atangin raltlan awmna Village Council hnenah form thawn niin hetah hian an Hming, an nu emaw pa emaw hming, kum zat, pianna hmun, kum, address kimchang, an san zawng, an mitmu rawng thlenga chhinchhiah vek an ni a, hei hi QR Code/Bar Code hmanga chhinchhiahin Identity Card siam sak vek an ni dawn a, tun thla ni 12-ah zawh hman beisei a ni. Bawrhsap Office chhinchhiah danin nimin khan Hnahthial South-III ah raltlan mi 8 an luh belh leh a, heti hian Hnahthial District chhungah raltlan awm mek chu mi 1460 niin an zingah hian chhungkaw 328 an tel a ni.