Hri kai thar 1057 leh enkawl dam 1207 awm belh

Niminpiah khan Mizoram-ah COVID-19 hri kai hmuhchhuah pung leh hretin hri kai 1057 hmuh an ni a, amaherawh chu hei hi Sample enfiah 5241 atanga chhut chuan zaa 20.17 a ni.

Niminpiah khan ZMC a RT-PCR Laboratory-ah Sample 188 enfiah niin hri kai 46 hmuh an ni a, Lunglei-a RT-PCR Laboratory-ah Sample 47 enfiah niin hri kai mi 27 hmuh an ni bawk. Fluorescent Immunoassay Test hmangin Aizawl District-ah Sample 72 enfiah niin hri kai mi 4 hmuh an ni a, Serchhip District-ah Sample 49 enfiahin hri kai mi 13 hmuh an ni bawk.

District hrang hranga TrueNat Laboratory-ah Sample 138 enfiah niin hri kai 55 hmuh an ni a, an zinga 47 chu Mamit District a ni te niin Hnahthial District-ah 3, Serchhip District-ah 2 leh Siaha, Champhai leh Khawzawl District-ah mi pakhat theuh an ni.

Heng bakah hian Rapid Antigen Test hmanga Sample enfiah 4747 atangin hri kai mi 912 hmuh an ni bawk a, an zinga 322 te chu Aizawl District-a hri kai hmuh te niin Serchhip District-ah 136, Khawzawl District-ah 93, Mamit District-ah 86, Saitual District-ah 78, Lunglei District-ah 75, Hnahthial District-ah 39, Champhai District-ah 36, Lawngtlai District-ah 31 leh Siaha District-ah 16 te an ni.

Nimin khan Mizoram-ah hri kai enkawl dam mi 1207 an awm belh leh a, heti hian nimin tlai thlenga Mizoram-a hri kai hmuh tawh chu 2,11,310 niin an zinga 2,03,456 te chu enkawl dam an ni tawh a, hri kai hmuhchhuah atanga za zela 96.28 te enkawl dam ni tawhin enkawllai 7199 an la awm a, mi 655 an boral tawh bawk a ni.