Aizawl-ah raltlan buaipui dan tur ngaihtuah a ni

Myanmar rambuai avanga Mizoram-a raltlan rawn lut, Aizawl District-a awm te a tul anga lo buaipui tura din, District Level Committee on Myanmar Refugees, Aizawl District chu nimin khan Chairman leh Aizawl DC Dr. Lalhriatzuali Ralte hovin an thukhawm.

He thutkhawm ah hian raltlante buaipuia lo chhawmdawl dan tur ngaihtuahin heng zingah hian Local/Village Level Working Group din chungchang te, Aizawl District chhunga raltlan rawn lutte felfai taka lo chhinchhiah dan tur leh Identification Card siam sak chungchangte, Aizawl District chhunga Refugee Camp enkawl dan tur inkaihhruaina mumal zawk siam dan tur leh an chhungte bel emaw, mi In luah a rawn pem lutte uluk zawka enzui dan tur leh inkaihhruaina mumal zawk ruahman te, Refugee Camp sak chungchang te leh Refugee Camp hrang hrang dinhmun thlirna neih niin hmalak dan tur hrang hrang sawiho a ni.