Hri kai 1,96,420 tling tawh

Mizoram-ah COVID-19 hri kai mi 1,96,420 zet hmuhchhuah an ni tawh. Inrinni khan Mizo-ram-ah hri kai hmuhchhuah tlem hretin Sample enfiah 4594 atangin hri kai mi 1231 hmuhchhuah an ni a, Sample enfiah atanga za zela 26.79 te chuan hri an kai a ni.

ZMC-a RT-PCR Laboratory-ah Sample 902 enfiah niin hri kai 209 hmuh an ni a, Lunglei-a RT-PCR Laboratory-ah Sample 75 enfiah niin hri kai mi 41 hmuh an ni bawk. Fluorescent Immunoassay Test hmangin Aizawl-ah Sample 90 enfiahin hri kai mi 8 hmuh an ni a, Serchhip District-ah Sample 40 enfiahin hri kai mi 5 hmuh an ni bawk. TrueNat Laboratory-ah Sample 222 enfiah niin hri kai mi 80 hmuh an ni a, Rapid Antigen Test hmanga Sample enfiah 3305 atangin hri kai mi 889 hmuh an ni bawk.

Zirtawpni khan Sample 7180 enfiah niin hri kai mi 1822 hmuh an ni bawk a, Sample enfiah atanga za zela 25.38 te chuan hri an kai a ni. ZMC-a RT-PCR Laboratory-ah Sample 814 enfiah niin hri kai mi 221 hmuh an ni a, Lunglei-a RT-PCR Laboratory-ah Sample 219 enfiah niin hri kai mi 108 hmuh an ni bawk a, Fluorescent Immunoassay Test hmangin Aizawl District-ah Sample 93 enfiah niin hri kai mi 26 hmuh an ni a, Serchhip District-ah Sample 95 enfiah niin hri kai mi 21 hmuh an ni bawk. District hrang hranga TrueNat Laboratory-ah Sample 214 enfiah niin hri kai mi 81 hmuhchhuah an ni a, Rapid Antigen Test hmanga Sample enfiah 5745 atangin hri kai mi 1365 hmuh an ni bawk.

Inrinni khan hri kai mi 1731 enkawl dam niin nimin khan mi 848 te enkawl dam an ni ve leh bawk a, heti hian Mizoram-a hri kai hmuh tawh chu 1,96,420 niin an zinga 1,84,516 te chu enkawl dam an ni tawh a, hei hi hri kai atanga chhutin zaa 93.94 niin hri kai enkawllai 11,268 an la awm a, hri kai zingah mi 636 an boral tawh bawk a ni.