COVID-19 No Tolerance-ah Dan zawmlo mi 262 man

January 26, 2022 atanga February 14, 2022 chhunga Serchhip District-a COVID-19 No Tolerance hman chhungin Dan zawmlo mi 262 man an ni a, an pawisa chawi tlingkhawm pawh Rs. 28,900/- a tling.

Tarlan tawh angin Mizoram a COVID-19 hri kai an pun zel avangin Mizoram Chief Secretary in ruahmanna a siam angin Ser-chhip District Bawrhsap chuan thuchhuah siamin January 26 atang khan COVID-19 No Tolerance Week hman a ni a, hei hi February 1 atanga hman chhunzawm turin chawlhkar hnih atan pawhsei leh a ni. He thuchhuah bawhzuina atan leh CAB tha taka zawm a nih theih nan Flying Squad te dinin Serchhip-ah Team pathum leh Thenzawl, North Vanlaiphai leh Chhingchhip-ah te Team pakhatr theuh siam a ni bawk.

January 24 atanga February 14 thlenga COVID-19 No Tolerance Week tum 3 hman chhung hian Serchhip Police te chuan CAB zawm lo mi 262 manin heng mi te hi dan an zawmloh avangin pawisa chawitir ngal zel an ni a, an pawisa chawi tlingkhawm hi Rs. 28,900/- a ni.

COVID-19 No Tolerance Week hman chhung hian Dan zawmlo man awmloh ni a awm lova, nitin Dan zawmlo man tur awm ziahin Dan zawmlo man tam ber ni January 28-ah mi 26 zet man an ni a, ni khat-a mi 10 aia tlem man tum 5 chiah a awm bawk a ni.