Lenkawl

Nimin khan Serchhip-ah District Level Anti-Ragging Committee chu Bawrhsap Paul L. Khuma hova thukhawmin zirlaite zinga intihduhdahna thleng thin leh rilru leh taksa in tihnat sakna (ragging/bullying) thleng thin laka zirlaite an him theihna tura hmalak dan tur hrang hrangte sawiho a ni.

Serchhip Bawrhsap Paul L. Khuma chuan Serchhip paltlangtu kawngpui, Kikawn leh Sai-liamkawn inkar kawngpui enkawltu Urban Infratech Pvt. Ltd. te chu a Pisa-ah ko in tunhnaiah ruahsur nasa avanga leimin a awm nual thu leh Contractor ten a hun taka an…

Kumin July thlaa Serchhip P&E Veng-a lei che chu tunkar tir atang khan a chet leh avangin helai huamchhunga awm te chu hmun him lamah an inthiarchhuak leh a, nimin khan khawtlang huap hnatlang neiin chhawmdawlna hna thawh a ni.

Kawngdung-a chetsualna leh vanduaina tawk ten cheng nuai 1.5 man thleng damdawi In-a cashless-a inenkawlna an dawn theihna tur, PM-RAHAT (Road Accident Victim Hospitalization and Assured Treatment) Scheme chungchang chu nimin khan Serchhip-ah Bawrhsap, Paul L. Khuma hovin sawiho a ni.

Mizoram sawrkar Health & Family Welfare Department-a National Health Mission (NHM) leh Johns Hopkins University hnuaia Global Health Organisation, Jhpiego te chuan Mizoram chhunga Health System hmasawnna tura thawhhona thuthlung Memorandum of Association (MoA) chu nimin khan an ziak.

Mizoram sawrkarin dan lova pension la ten anmahni duhthu a an pension lakte an tihtawpna tura a ruahmanna hnuaiah Pension Payment Order (PPO) surrender tawh mi 135 an awm tawh.

School Education Minister Dr. Vanlalthlana chuan Mizoram chu India rama Fully Literate State-a inpuang hmasa ber a nih thu a sawi.

Union Labour Minister Dr. Mansukh Mandaviya chuan Employees' State Insurance Corporation (ESIC) Meeting awm leh hunah Mizoram chu Hospital pek tum a nih thu a sawi.

Mizoram Legislative Assembly Deputy Speaker leh Kolasib Bialtu MLA Lalfamkima chuan nimin khan Mizoram Larsap General (Dr) Vijay Kumar Singh chu Lok Bhavan-ah hmuin Vairengte atanga Sihmui panna kawng siamthat chungchang leh Kawnpui atanga Aizawl panna kawng zauh chungchang a sawipui.

Nimin khan Aizawl-a I&PR Conference Hall-ah National Scheduled Caste and Scheduled Tribe (NSCST) Hub chungchang inhrilhhriatna neih a ni.