Hri kai thar 1941 leh enkawl dam 1883 awm belh

Niminpiah khan Mizoram-a COVID-19 hri kai hmuhchhuah tlahniam hretin Sample enfiah 6553 atanga hri kai 1641 hmuhchhuah an ni a, Sample enfiah atanga chhutin za zela 25.12 te chuan hri an kai a ni.

Niminpiah khan ZMC-a RT-PCR Laboratory-ah Sample 934 enfiah niin hri kai 245 hmuh an ni a, Lunglei-a RT-PCR Laboratory-ah Sample 114 enfiah niin hri kai mi 66 hmuh an ni bawk. Fluorescent Immunoassay Test hmangin Aizawl-ah Sample 31 enfiahin hri kai 13 hmuh an ni a, Serchhip District-ah Sample 59 enfiahin hri kai 16 hmuh an ni bawk.

District hrang hranga TrueNat Laboratory-ah niminpiah khan Sample 270 enfiah niin heng atang hian hri kai mi 100 hmuh an ni bawk a, Mamit District-ah 38, Champhai District-ah 22, Kolasib District-ah 19, Hnahthial District-ah 9, Khawzawl District-ah 8, Lawngtlai Dstrict-ah 3 leh Saitual District-ah mi pakhat te an ni.

Niminpiah khan Rapid Antigen Test hmangin Mizoram-ah Sample 5125 enfiah niin heng atang hian hri kai mi 1201 hmuh an ni bawk a, an zinga 377 te chu Aizawl District-a hmuh te niin Lunglei District-ah 158, Serchhip Distrct-ah 123, Kolasib District-ah 93, Saitual District-ah 88, Champhai District-ah 79, Mamit District-ah 69,, Siaha District-ah 66, Khawzawl District-ah 64, Lawngtlai District-ah 49 leh Hnahthial District-ah 35 te an ni.

Nimin khan Mizoram-ah COVID-19 hri kai enkawl dam mi 1883 awm belhin heti hian nimin tlai thleng khan Mizoram-a hri kai hmuh tawh chu 1,93,367 niin an zinga 1,81,931 te chu enkawl dam ni tawhin hri kai zinga za zela 94.08 te chu enkawl dam an ni tawh a, hri kai enkawllai 10,802 la awmin hri kai zingah mi 634 an boral tawh a ni.