Latest News

Hri kai thar 964 leh enkawl dam 1382 awm belh

Niminpiah khan Mizoram-ah COVID-19 hri kai mi 964 hmuh belh leh an ni a, hei hi Sample enfiah 3645 atanga chhut chuan za zela 26.45 zet a ni thung.

Niminpiah khan ZMC-a RT-PCR Laboratory-ah Sample 546 enfiah niin hri kai mi 144 hmuh an ni a, Lunglei-a RT-PCR Laboratory-ah Sample 62 enfiah ni bawkin hri kai mi 18 hmuh an ni a. Fluorescent Immunoassay Test hmanga Aizawl District-ah Sample pakhat enfiahin hri a kai a, Serchhip District-ah Sample 93 enfiahin hri kai mi 19 hmuh an ni bawk.

District hrang hranga TrueNat Laboratory-ah Sample 111 enfiah ni bawkin hri kai mi 27 hmuh an ni a, an zinga 7 te chu Serchhip District a hri kai hmuhchhuah niin Khawzawl District-ah 6, Champhai District-ah 5, Hnahthial District-ah 4, Siaha District-ah 3 leh Lawngtlai leh Saitual District-ah hri kai mi pakhat ve ve hmuh a ni bawk.

Rapid Antigen Test hmangin Mizoram-ah Sample 2832 enfiah ni bawkin hri kai mi 755 hmuh an ni bawk a, an zinga 137 te chu Aizawl District-a hri kai hmuhchhuah niin Serchhip District-ah 114, Mamit District-ah 98, Lunglei District-ah 97, Saitual District-ah 88, Khawzawl District-ah 60, Hnahthial District-ah 52, Champhai District-ah 48, Siaha District-ah 34 leh Lawngtlai District-ah 27 hmuhchhuah an ni bawk.

Nimin khan Mizoram-ah hri kai enkawl dam 1382 awm belh lehin Mizoram-a hri kai hmuhchhuah tawh 2,10,253 atangin 2,02,249 te enkawl dam an ni tawh a, hei hi hri kai hmuhchhuah tawh atanga chhutin zaa 96.19 niin hri kai enkawllai 7352 an la awm a, hri kai 652 an boral tawh bawk a ni.

Comments

Popular News (Last 30 Days)