Hri kai 129 hmuh belhin enkawllai 883 an awm mek

Nimin khan Serchhip District-ah COVID-19 hri kai mi 129 hmuh belh leh niin nimin tlai thleng khan hri kai enkawllai 883 an la awm a ni.

Nimin a Serchhip District-a COVID-19 hri kai hmuhchhuah mi 129 zinga 69 te hi Serchhip khawpui chhunga hri kai hmuh te an ni a, New Serchhip North-ah hri kai mi 16 hmuh thar leh niin Vengchung-ah hri kai mi 12 hmuh belh an ni bawk a, P&E Veng-ah hri kai mi 11 hmuh ni bawkin AOC Veng, New Serchhip South leh Serchhip Venglai-ah hri kai mi 4 theuh hmuh an ni a, Darnam Veng, Dinthar Veng leh Zozam Veng-ah hri kai mi 3 theuh hmuh ni bawkin IOC Veng, Tuikhuah Veng leh Field Veng-ah mi 2 theuh bakah Ramthlun Veng, Chhim Veng leh Bazar Veng-ah hri kai mi pakhat theuh hmuh an ni bawk.

Heng bakah hian Bungtlang khua ah hri kai mi 24 hmuh an ni bawk a, Chhingchhip leh Thenzawl-ah hri kai mi 15 ve ve hmuh niin Thentlang-ah mi 4 leh Ngentiang leh East Lung-dar-ah hri kai mi pakhat ve ve hmuh an ni bawk.

Nimin khan Serchhip District-ah hri kai enkawl dam mi 184 zet an awm belh ve leh bawk a, heti hian Serchhip District-a COVID-19 hri kai hmuh tawh zawng zawng chu 1,0473 niin an zinga 9564 te chu enkawl dam an ni tawh a, hri kai hmuhchhuah atanga za zela 91.32 te chu enkawl dam ni tawhin hri kai enkawllai 883 an la awm a, hri kai zingah mi 26 an boral tawh a ni.

Comments

Popular posts from this blog

Tukverh-a tlasual boral