Lenkawl

Kumin chhunga Serchhip District-a ASF hri vanga Vawk thi tamna ber, Thenzawl khua ah nimin khan ASF vanga Vawk thi 10 lai chhinchhiah belh leh a ni a, heng te nen hian kumin chhungin Thenzawl-ah hian ASF vanga Vawk thi 511 leh Vawk suat 141 a awm ta…

Bana Kaih Scheme hnuaia CM Special Package hnuaia Serchhip District-a Progress Partner (PP) thlanchhuah mi 176 te hnenah nimin khan tanpuina semchhuahna hun leh CM Special Package kalphung inhrilhfiahna hun buatsaih a ni.

Pradhan Mantri Awas Yojana - Urban 2.0 (PMAY-U 2.0) hnuaia Serchhip Town huamchhunga In sak tanpuina diltu mi 125 te chu an dilna pawmin recommend an ni.

Mizoram State Project Monitoring Committee (MSPMC) Team te chuan nimin khan Serchhip District chhunga National Highway-02 kawngpui dinhmun leh thawmthat hna thawh mek chu a hmunah kalin an rawn enfiah.

Mizoram Lok Sabha MP, Richard Vanlal-hmangaiha chuan nimin khan Aizawl Press Club tlawhin MJA Member te nen an inkawm.

Urban Development & Poverty Alleviation (UD&PA) Minister K. Sapdanga chuan nimin khan a Pisa-ah ‘City Livelihood Action Plan’ (C-LAP) a tlangzarh a, Khawpui hmasawn zela eizawnna leh nitin khawsak chungchanga harsatna lo awm thin hmachhawn dan tur ruahmanna fel tak siam chu C-LAP in a tum ber a ni.

Nimin khan Aizawl-a Directorate of Commerce & Industries, Conference Hall-ah PM Vishwakarma Tribal Artisan Empanelment Mela (TAeM) neih a ni a, Commerce, Industries, Geology & Mining Department changtu Secretary Dr. H. Lianzela chuan Mela hi a hawng a ni.

Union Minister of State for Youth Affairs and Sports Raksha Nikhil Khadse-i chuan ni hnih cham turin nimin khan Aizawl a rawn thleng a, Lengpui Airport-ah Sports Minister Lalnghinglova Hmar leh Protocol Officer C. Lalremruati ten an lo hmuak a ni.

Mizoram Olympic Association (MOA) chuan General Body Meeting neiin Indian Olympic Association in inthlan dan kalphung a siam thar chu sawihoin MOA inthlan dan kalphung a siam tha nghal.

Mara Autonomous District Council (MADC) chuan nimin khan thutkhawm neiin MADC-a Member (MDC) ten MLA emaw, MP emaw nen an nih kawp theih lohna tur Dan an pass a. LADC Chairman chuan hetiang Dan hi tun dinhmunah Mizoram-a Autonomous District Council ten an neih loh thu a sawi bawk.