Mizoram-a Football Centre 60 kalpui dan tur sawiho

/

Mizoram sawrkar-a Sports & Youth Services Department aiawhte leh Tata Trusts aiawhte chuan Mizoram District 11 tuamchhuaka Football Centre 60 kalpui dan tur chungchang nimin khan an sawiho.

He sawihona Sports Minister Robert Romawia Royte hova a Pisa-a neih ah hian Sports & Youth Services Department-a Secretary Dr. Lalrozama leh Tata Trust-a Sports Head Neelam Babardesai bakah Official te telin Football zirna project atana budget ruahman cheng nuai 80 hman dan tur kimchang chu pawm a ni a, heng Centre 60 a thawk tura Coach lakte training pek dan tur leh Football Centre 60 atana infiamna hmanrua lei dan turte rel fel a ni bawk.

He hunah hian Sports Minister chuan kum 2021 January thlaa Tata Trusts Headquarters, World Trade Centre Mumbai-a Tata Trusts CEO leh Senior Faculty te nena an sawiho tawhna anga Tata Trusts leh Mizoram State Sports Committee (MSSC) ten thawhhona thuthlung ziaka a taka an kalpui chu lawmawm a tih thu sawiin, Tata Trusts in kawng dang tam taka Zoram hmasawnna tura hna a thawh dan pawh ropui a tih thu a sawi a. Naupang infiamna kawnga zeilo leh tuilo te hian infiam leh insawizawi an mamawh nasa zawk hlei hlei a, Medal lam hawia nasa taka tan la chungin Medal dawn beiseiawmlo naupangte pawh infiamna huangah kan dah pawimawh a tul ve tho a ni, a ti.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »