Hri kai hmuh pun belh zel

Inrinni thleng khan Serchhip District-ah CO-VID-19 hri kai mi 10,753 hmuhchhuah an ni tawh.

Inrinni khan Serchhip District-ah hri kai hi mi 185 zet hmuh belh leh an ni a, Serchhip-ah hri kai mi 88 zet hmuh niin an zinga 24 te chu Vengchung a mi te an ni a, P&E Veng-ah hri kai mi 19 hmuh niin New Serchhip North-ah12, Chanmari Veng-ah 7, Chhim Veng-ah 7, Field Veng, Saron Veng leh New Serchhip South-ah mi 3 theuh, AOC Veng, Dinthar Veng leh IOC Veng-ah mi pahnih theuh leh Bazar Hnuai, Ramthlun Veng, Venglai leh Hmar Veng-ah hri kai mi pakhat theuh hmuh an ni bawk.

Heng bakah hian Thenzawl-ah 28, Bungtlang-ah 24, North Vanlaiphai-ah 11, Khawlailung-ah 8, Chhingchhip-ah 6, East Lungdar-ah 5, Buhkangkawn, Chhiahtlang leh Thentlang-ah mi 4 theuh, Sailulak-ah mi 2 leh Khawbel-ah hri kai mi pakhat hmuh an ni bawk.

Inrinni khan Serchhip District-ah hri kai enkawl dam mi 112 awmin nimin khan hri kai enkawl dam chhinchhiah belh an awm lova, heti hian nimin tlai thlenga Serchhip District-a hri kai hmuh tawh chu 10,753 niin an zinga 9755 te enkawl dam an ni tawh a, hri kai enkawllai mi 971 an la awm a, nimin a hri kai thar he thu buat-saih lai thleng hian hriat theih a ni lo thung.

Serchhip District-a hri kai hmuh zinga mi Biakzami (85), North Vanlaiphai chu nimin zing dar 7:20 khan an chenna In-ah a boral a, thudawn danin Biakzami hi natna dang nei niin niminpiah khan hri a kai tih hmuhchhuah a ni. Heti hian Ser-chhip District-a hri kai zingah mi 27 an boral ta a ni.