Assembly Budget Session neih tan a ni

/

Mizoram Legislative Assembly 8-na thutkhawm vawi 9-na chu nimin atangin neih tan a ni a, March ni 10, 2022 thleng awh tura ruhman a ni.

Budget Session tan ni hian Larsap, Dr. Hari Babu Kambhampati chuan House chhungah thu sawiin, aworkar hmalakna hrang hrang a tarlang a. Thu a sawi zawh hian Tuirial bialtu MLA, K. Laldawngliana chuan Larsap thusawi avanga lawmthu sawina Motion chu House-ah a pulut a ni. Budget Session tan ni-ah hian Larsap-in House-ah thu a sawi avangin zawhna leh chhanna hmun hman a ni lova, Larsap-in thu a sawi zawh hnuah Speaker, Lalrinliana Sailo chuan Budget Session neih tura Business Advisory Committee Report a pharh a. Budget Session neih chhunga Speaker remchan loh laia House kaihruai tu (Panel of Chairman) turin Member pali, KT. Rokhaw, Dr. K. Pachhunga, Prof. F. Lalnunmawia leh Dr. Vanlaltanpuia te ruat an ni tih Speaker, Lalrinliana Sailo chuan a puang bawk.

Budget Session hi Vawiin chawhma dar 10:30-ah chhunzawm a ni dawn a, thutkhawm tan rualin Session hnuhnung ber leh tun Session inkara ram hruaitu boralte sunna hun hman a ni anga, chumi hnuah zawhna leh chhanna hun hman chhunzawm tur niin, Larsap thusawi chungchanga Tuirial bialtu MLA, K. Laldawngliana'n lawmthu sawina Motion a putluh chu sawi ho a ni ang. 

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »