Hri kai enkawl dam mi sing khat aiin tam tawh

Serchhip District-ah COVID-19 hri kai an pun belh zel a, nimin khan hri kai mi 139 zet hmuh belh leh an ni a, hri kai enkawl dam pawh mi sing khat aiin an tam tawh.

Nimin-a Serchhip District-a hri kai hmuhchhuah thar zingah hian Serchhip-a hri kai hmuh mi 52 zet awm lehin hri kai an la pung zel a, heng bakah hian Thenzawl-ah hri kai mi 40 hmuh ni bawkin Khawlailung-ah 23 hmuh an ni a, Chhiahtlang-ah hri kai mi 9 hmuh niin Bungtlang-ah 8, Thentlang-ah 3, Buangpui-ah 2 leh North Vanlaiphai leh Piler khua ah hri kai mi pakhat ve ve hmuh an ni bawk.

Nimin khan Serchhip District-ah hri kai enkawl dam mi 92 an awm belh leh a, heti hian Serchhip District-a hri kai hmuhchhuah tawh zawng zawng chu 11,111 niin an zinga 10,004 te chu enkawl dam an ni tawh a, hri kai hmuh atanga chhutin za zela 89.91 te chu enkawl dam ni tawhin hri kai enkawllai 1080 la awmin hri kai te zingah mi 27 an boral tawh bawk a ni.