Mizoram-a hri kai mi nuai hnih aiin an tam ta

Niminpiah khan Mizoram-ah COVID-19 hri kai hmuhchhuah tlahniam hretin hri kai 1616 hmuhchhuah an ni a, hei hi Sample enfiah atanga chhut chuan za zela 23.56 niin Mizoram-a hri kai hmuhchhuah erawh mi nuai hnih aiin an tam ta a ni.

Niminpiah khan ZMC-a RT-PCR Laboratory-ah Sample 996 enfiah niin hri kai mi 230 hmuh an ni a, Lunglei-a RT-PCR Laboratory-ah Sample 148 enfiah niin hri kai mi 26 hmuh an ni bawk. Fluorescent Immunoassay Test hmangin Aizawl-ah Sample 16 enfiah niin hri kai mi 8 hmuh an ni a, Serchhip District-ah Sample 97 enfiah niin hri kai mi 29 hmuh an ni bawk.

Lunglei leh Kolasib tihloh District hrang hranga TrueNat Laboratory-ah Sample 223 enfiah niin hri kai mi 98 hmuh an ni bawk a, an zinga 38 te chu Mamit District atanga hri kai hmuh te niin Siaha District-ah 26, Champhai District-ah 8, Serchhip leh Lawngtlai District-ah 6 ve ve, Hnahthial District-ah 5, Khawzawl leh Saitual District-ah 4 ve ve leh Aizawl District-ah mi pakhat te an ni.

Rapid Antigen Test hmangin Sample 5378 enfiah ni bawkin heng atang hian hri kai mi 1225 hmuh an ni a, Aizawl District-ah 351, Lunglei District-ah 241, Champhai District-ah 104, Serchhip District-ah 103, Saitual District-ah 98, Mamit District-ah 91, Khawzawl District-ah 78, Lawngtlai District-ah 54, Kolasib District-ah 45, Siaha District-ah 33 leh Hnahthial District-ah 27 te an ni.

Nimin khan Mizoram--ah hri kai enkawl dam mi 1694 awm belh lehin heti hian Mizoram-a hri kai hmuhchhuah chu 2,00,635 niin an zinga 1,90,222 te chu enkawl dam an ni tawh a, hri kai atanga zaa 94.81 te enkawl dam ni tawhin enkawllai 9774 an la awm a, hri kai zingah mi 640 an boral tawh bawk a ni.