Hri kai mi 146 hmuh belh

Nimin khan Serchhip District-ah COVID-19 hri kai mi 146 zet hmuhchhuah belh leh niin hri kai hmuhchhuah zawng zawng pawh mi sing khat an tling dawn hnai ta.

Nimin a Serchhip District-a hri kai hmuhchhuah zingah hian Serchhip atanga hri kai hmuh mi 44 awmin heng te hi New Serchhip North leh South-ah mi 10 ve ve, Vengchung-ah 5, Chanmari Veng leh Field Veng-ah mi 4 ve ve, Bukpui-ah mi 3, Bazar leh Ramthlun Veng-ah mi 2 ve ve leh Hmar Veng, P&E Veng, Tuikhuah Veng leh Venglai-ah mi pakhat theuh hmuh an ni bawk.

Heng bakah hian Thenzawl-ah hri kai mi 35 hmuh ni bawkin Khawlailung-ah mi 17 hmuh an ni a, Thentlang leh Chhingchhip-ah hri kai mi 13 ve ve hmuh niin North Vanlaiphai-ah hri kai mi 6 hmuh  an ni bawk a, Chhiahtlang, Lung-chhuan leh Zote South ah hri kai mi pathum theuh hmuh an ni a, East Lungdar, Piler leh Buangpui-ah hri kai mi pahnih theuh hmuh ni bawkin Sialsir leh Chekawn-a hri kai mi pakhat ve ve hmuh an nih bakah District pawnlam atangin Tlangpui khua hri kai mi pakhat hmuh a ni bawk.

Nimin khan Serchhip District-ah hri kai enkawl dam mi 84 an awm belh leh a, heti hian nimin thlenga Serchhip District-a hri kai hmuh tawh chu 9854 niin an zinga 9028 te chu enkawl dam an ni tawh a, hri kai hmuhchhuah atanga za zela 91.61 te chu enkawl dam ni tawhin hri kai enkawllai pawh mi 800 lai an awm leh ta a. Hri kai zingah boral awm belh lovin mi 26 an boral tawh a ni.