Latest News

Serchhip-ah Mizo infiamna hmanga inelna neih tan a ni

Image
Serchhip Sub-Hqrs. YMA huamchhunga YMA Branch hrang hrangte Mizo Infiamna chi hrang hrang hmanga an inelna tur, ‘Aizawl DD Mizoram Indigenous Games 2024 (Inter-Branch YMA Competition, Serchhip District)’ chu nimin khan Serchhip P&E Veng-a Leisekawt Mual-ah neih tan niin Vawiin hian zawhfel a ni ang.

Thil nih dan dik tak puang turin Speaker phut

ZPM Party chuan Khawzawl - Ngaizawl PMGSY Road Black Topping/White Topping chungchangah Assembly Speaker Lalrinliana Sailo chu thil nihna dik tak puang tura an phut thu an sawi.

Nimin-a thuchhuah an siamah ZPM Party chuan Ngaizawl All NGO & VC Coordination Committee in Khawzawl - Ngaizawl PMGSY Road Black Topping/White Topping hna Congress sawrkar hun lai, kum 2017-a hna thawh tan tawh chungchanga thuchhuah an siamah MNF Ministry-a Mizoram Legislative Assembly Speaker ni lai mek Lalrinliana Sailo hming a rawn lang ve ta mai chu an ngai thutak hle tih an tarlang a, “Assembly Speaker meuh heng thil ah hian a lo inrawlh tak tak a nih chuan a fel lo hlein ZPM chuan a hria a. Thil nihna dik tak puang turin Assembly Speaker hi kan phut a ni,” an ti a. Hetiang hi thil nih dan dik tak a lo nih tak tak phei chuan Mizoram Legislative Assembly-a Speaker mawhphurhna ti bawrhbang leh Speaker dinhmun zahawmna tih hmelhemna ah an ngaih thu pawh sawiin, “Contractor te nena inthlunzawm a, Speaker dinhmun zahawm tak hi remchanga la a, sum tuakna atana a lo hmang tak tak a nih chuan Mizoram Legislative Assembly Speaker Pu Lalrinliana Sailo hi ZPM chuan bang ngei turin kan phut a ni,” an ti bawk.

Comments

Popular News (Last 30 Days)