Mizoram-ah hri kai enkawllai 13,348 la awm mek

Mizoram-ah COVID-19 hri kai hmuhchhuah an la pung zel a, nimin tlai thleng khan hri kai enkawllai pawh 13,348 an la awm mek a ni.

Inrinni khan Mizoram-ah Sample 6632 enfiah niin heng atang hian COVID-19 hri kai mi 1754 hmuhchhuah an ni a, Sample enfiah atanga za zela 26.45 te chuan hri an kai a ni. Inrinni khan ZMC-a RT-PCR Laboratory-ah Sample 1741 enfiah niin heng atang hian hri kai 409 hmuh an ni a, Lunglei-a RT-PCR Laboratory-ah Sample 203 enfiah niin hri kai mi 84 hmuh an ni bawk. Fluorescent Immunoassay Test hmangin Aizawl District-ah Sample 17 enfiah niin hri kai 13 hmuh an ni a, Serchhip District-ah Sample 158 enfiah niin hri kai mi 37 zet hmuh an ni a, an vai hian Thenzawl-a hri kai hmuhchhuah an ni. District hrang hranga TrueNat Laboratory-ah Sample 211 enfiah niin hri kai mi 98 hmuh an ni a, Rapid Antigen Test hmanga Sample 4302 enfiah atangin hri kai mi 1113 hmuh an ni bawk.

Zirtawpni khan Mizoram-ah Sample 6489 enfiah niin hri kai mi 1777 hmuhchhuah an ni bawk a, Sample enfiah atanga za zela 27.38 te chuan hri hi an kai a. ZMC-a RT-PCR Laboratory-ah Sample 977 enfiah niin hri kai mi 290 hmuh an ni a, Lunglei-a RT-PCR Laboratory-ah Sample 100 enfiah niin hri kai 42 hmuh an ni bawk a. Fluorescent Immunoassay Test Aizawl District-ah Sample 45 enfiah niin hri kai mi 21 hmuh an ni bawk. TrueNat Laboratory atangin Sample 164 enfiah niin hri kai 51 hmuh an ni a, Rapid Antigen Test hmanga Sample 5203 enfiah atangin hri kai mi 1373 hmuhchhuah an ni bawk.

Inrinni khan Mizoram-ah hri kai enkawl dam mi 1896  awm belhin nimin khan mi 1507 te enkawl dam an ni leh bawk a, heti hian nimin thlenga Mizoram-a hri kai hmuhchhuah chu 1,85,227 niin an zinga 1,71,256 te chu enkawl dam an ni tawh a, hri kai hmuhchhuah atanga za zela 92.46 te enkawl dam ni tawhin hri kai enkawllai 13,344 la awmin hri kai zingah mi 623 an boral tawh bawk a ni.