COVID-19 hri kai thar 1811 hmuh belh an ni

Niminpiah khan Mizoram-ah Sample 7321 enfiah niin heng atang hian COVID-19 hri kai mi 1811 hmuhchhuah leh an ni a, Sample enfiah atanga za zela 24.74 te chuan hri an kai a ni.

Niminpiah khan ZMC-a RT-PCR Laboratory-ah Sample 1409 enfiah niin heng atang hian hri kai mi 358 hmuh an ni a, Lunglei-a RT-PCR Laboratory-ah Sample 146 enfiah niin hri kai mi 50 hmuh an ni bawk. Fluorescent Immunoassay Test hmangin Aizawl District-ah Sample 60 enfiah ni bawkin heng atang hian hri kai mi 13 hmuh an ni bawk.

District hrang hranga TrueNat Laboratory-ah Sample 290 enfiah niin heng atang hian hri kai mi 104 hmuh an ni bawk a, an zinga 43 re hi Kolasib District-a hri kai hmuh te an ni a, Mamit District-ah 25, Lawngtlai District-ah 11, Champhai District-ah 9, Serchhip District-ah 7, Hnahthial District-ah 6 leh Aizawl District-ah hri kai mi 3 hmuh an ni.

Heng bakah hian Rapid Antigen Test hmangin niminpiah khan Sa,mple 5416 enfiah niin hri kai mi 1286 hmuh an ni bawk a, an zinga 564 te hi Aizawl District-a hri kai hmuhchhuah niin Lunglei District-ah 196, Saitual District-ah 115, Champhai District-ah 113, Mamit District-ah 87, Kolasib District-ah 79, Serchhip District-ah 65, Lawngtlai leh Hnahthial District-ah 27 ve ve leh Khawzawl District-ah hri kai mi 13 hmuh an ni bawk.

Heti hian nimin thlenga Mizoram-a hri kai hmuhchhuah tawh chu 1,91,726 niin nimin-a hri kai enkawl dam belh mi 1977 te nen mi 1,80,048 enkawl dam an ni tawh a, hri kai zinga za zela 93.91 te chu enkawl dam ni tawhin hri kai enkawllai 11,046 an la awm a, hri kai zingah mi 632 an boral tawh bawk a, tun thla bikah COVID-19 hri kai mi 21 zet an boral tawh a ni.