Hri kai 100 hmuh belh niin mi 160 enkawl dam an ni

Nimin khan Serchhip District-ah COVID-19 hri kai mi 100 hmuhchhuah belh niin hri kai mi 160 te enkawl dam an ni thung.

Nimin a Ser-chhip District-a hri kai hmuhchhuah thar zingah hian Serchhip mi tam berin mi 34 hmuhchhuah an ni a, Chhingchhip-ah hri kai mi 27 hmuh ni bawkin Thenzawl-ah 21, Neihloh-ah 10, Chhiah-tlang-ah 7 leh Buangpui-ah hri kai mi pakhat hmuh an ni bawk. Nimin a Serchhip-a hri kai hmuh te hi P&E Veng-ah 9, Dinthar Veng-ah 6, New Serchhip-ah 5, Chanmari Veng leh Veng-chung-ah 4 ve ve, Ramthlun Veng leh IOC Veng-ah mi 2 ve ve leh Saron Veng leh Hmar Veng-ah mi pakhat ve ve te an ni.

Nimin khan Serchhip District-ah hri kai mi 160 enkawl dam an awm belh leh a, heti hian nimin tlai thleng khan Serchhip District-a hri kai hmuh tawh chu 9411 niin an zinga 8711 te chu enkawl dam an ni tawh a, hri kai hmuhchhuah atanga za zela 92.56 te chu enkawl dam ni tawhin hri kai enkawlai 775 an la awm a, hri kai zingah mi 25 an boral tawh bawk a ni.