Niminpiah-ah hri kai mi 1806 hmuh belh leh a ni

Niminpiah khan Mizoram-ah hri kai hmuhchhuah tlahniam hretin Sample 7620 enfiah atangin hri kai mi 1806 hmuhchhuah an ni a, Sample enfiah atanga chhut erawh chuan za zela 23.70 zetin hri hi an kai thung a ni.

Niminpiah khan ZMC-a RT-PCR Laboratory-ah Sample 1251 enfiah niin hri kai mi 297 hmuhchhuah an ni a, Lunglei-a RT-PCR Laboratory-ah Sample 340 enfiah niin hri kai mi 110 zet hmuhchhuah an ni bawk. Fluorescent Immunoassay Test hmangin Aizawl District-ah Sample 77 enfiah niin hri kai mi 16 hmuh an ni bawk.

District hrang hranga TrueNat Laboratory-ah niminpiah khan Sample 354 enfiah niin hri kai mi 146 hmuh an ni bawk a, an zinga 49 te chu Champhai District-a hri kai hmuhchhuah niin Mamit District-ah pawh mi 49 bawk hmuh an ni a, Kolasib District-ah hri kai mi 18 hmuh niin Khawzawl District-ah 10, Lawngtlai District-ah 7, Serchhip District-ah 6, Siaha, Hnahthial leh Saitual District-ah mi pahnih theuh leh Aizawl District-ah hri kai mi pakhat hmuh an ni bawk.

Mizoram-ah Rapid Antigen Test hmangin Sample 5598 enfiah niin hrikai mi 1237 hmuhchhuah an ni bawk a, an zinga 564 te chu Aizawl District-a hri kai hmuhchhuah niin Lunglei District-ah 116, Saitual District-ah 115, Champhai District-ah 111, Mamit District-ah 103 Serchhip District-ah 80, Kolasib District-ah 53, Khawzawl District-ah 30, Siaha District-ah 27 leh Lawngtlai leh Hnahthial District-ah hri kai mi 19 ve ve hmuh an ni bawk.

Nimin khan Mizoram-ah hri kai mi 2167 enkawl dam an ni leh a, heti hian Mizoram-a hri kai hmuhchhuah tawh chu 1,89,915 niin an zinga 1,78,071 te enkawl dam ni tawhin hri kai hmuhchhuah atanga zaa 93.76 te enkawl dam an ni tawh a, hri kai enkawllai 11,216 l la awmin hri zingah mi 628 an boral tawh bawk a ni.