Serchhip-ah kawlphetha harsa rih dawn

Serchhip khawpui kawlphetha-a chawmtu Bukpui-a 2.5 MVA 33/11kV Transformer chu a chhiat avangin ni 3 chhung vel Serchhip khawpui leh a chhehvel Eng inpekchhawk a tul dawn.

Serchhip-a P&E Department hotute hnen atanga thu kan dawn danin Serchhip Bukpui-ah hian Serchhip khawpui leh chhehvel chawmna atan 2.5 MVA 33/11kV Transformer hi pahnih a awm a, pakhat hian Serchhip leh Chhiahtlang te chawmin pakhat hian Serchhip chhehvel khua, Lungpho tlangdung thlengin  a chawm thung a. Serchhip khawpui chawmna zawk hian tunhnaiah Serchhip khawpui a chawm zawh meuh loh avanga zan lamah darkar khat vel te te a kawlphetha an pekchhawk laiin nizan hmasa khan he Transformer hi chhiain Power pekchhuah theih a ni lova, hei vang hian Serchhip khawpui chhung leh a chhehvel khawl pahnih in a chawm thin chu khawl pakhat hmanga chawm a ngai rih dawn a, darkar 2 dan zelah Eng hi inpekchhawk tura ruahman a ni.

P&E Department hotute chuan 2.5 MVA 33/11kV Transformer pakhat chu North Vanlaiphai-ah a awm thu leh hei hi lathla in Serchhip-ah hian hmang rih turin ruahmanna an siam mek thu an sawi a, tluang takin lathla thei pawh nise a bunfelna nen ni 3 chhung vel chu hun an mamawh dawn thu sawiin, mipuite chu kawlphetha renchem turin an ngen nghal bawk