National Kala Utsav lawmman pakhatna hlan

/

School Education Minister Lalchhandama Ralte chuan Hnam ziarang hmanga intihsiakna, National Kala Utsav 2021-a lawmman pakhatna dawngtu Lalruatfeli, Class IX Kids Care School Ramhlun South chu nimin khan lawmman (Trophy) a hlan.

Minister Pisa-a he hun hman ah hian Minister chuan ram pum huap intihsiakah Mizoram in history thar kan siam tih sawiin, “National Kala Utsav-ah hian kum dangah lawmman pahnihna leh pathumna te chu kan lo dawng tawh a, pakhatna kan la dawng ngai lo,” a ti a, Lalruatfeli’n Mizo hnam tihmingtha tura Visual Arts 3-Dimentional-ah lawmman a dawng chu sawrkar in an lawmpui hle tih a sawi bawk.

India ram State hrang hrangte intihsiakna, National Kala Utsav 2021 hi January 1-12, 2022 chhung khan neih a ni a, Visual Arts 3D Painting-ah Mizoram aiawha chhuak Lalruatfeli, Class IX, Kids Care School, Ramhlun South Aizawl hian lawmman pakhatna hi a dawng a, hripui leng avangin National Kala Utsav hi Virtual Mode-a neih a ni. Visual Arts 3-Dimentional lawmman pakhatna Trophy Ministry of Education-in a rawn thawn chu Minister hian Lalruatfeli a hlan a, Gold Medal chu Lalhmachhuana SPD Samagra Shiksha chuan hlanin lawmman tangkafai chu C. Lalthanzira Additional SPD-in a hlan a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »