Pathianni-ah hri kai 658 hmuh belh leh an ni

Pathianni khan Mizoram-ah Sample 2157 enfiah niin heng atang hian COVID-19 hri kai 658 hmuhchhuah an ni a, Sample enfiah atanga za zela 30.50 zetin hri an kai a ni.

Pathianni khan ZMC leh Lunglei-a RT-PCR Laboratory-ah sample enfiah awm lovin Fluorescent Immunoassay hmanga Aizawl District-a Sample 24 enfiah atangin hri kai 3 hmuh an ni a, Aizawl khawpui chhunga mi te vek an ni. District hrang hranga TrueNat Laboratory zingah Pathianni khan Kolasib leh Mamit District-ah Sample 93 enfiah niin hri kai 48 hmuh an ni a, an zinga 29 te hi Kolasib District atanga hri kai hmuh te niin Mamit District-ah hri kai mi 19 hmuh an ni bawk.

Rapid Antigen Test hmangin Mizoram hmun hrang hrangah Sample 2040 enfiah niin hri kai mi 607 hmuh an ni bawk a, an zinga 357 te hi Aizawl District-a hri kai hmuhchhuah niin Lunglei-ah hri kai mi 80 hmuh an ni bawk a, Mamit District-ah hri kai mi 51 hmuh niin Saitual District-ah 29, Champhai District-ah 25, Lawngtlai leh Hnahthial District-ah 18 ve ve, Kolasib District-ah 17 leh Serchhip District-ah hri kai mi 12 hmuh an ni bawk.

Nimin khan Mizoram-ah COVID-19 hri kai mi 2239 te enkawl  dam an ni ve leh a, heti hian nimin tlai thleng khan Mizoram-a hri kai hmuh tawh chu 1,85,885 niin an zinga 1,73,495 te chu enkawl dam an ni tawh a, hri kai hmuhchhuah atanga za zela 93.33 te chu enkawl dam ni tawhin hri kai enkawllai 11,767 an la awm mek a, hri kai zingah mi 623 an boral tawh bawk a ni.