Hri kai 175 hmuh belh leh

Serchhip District-ah nimin khan COVID-19 hri kai mi 175 zet hmuhchhuah belh leh an ni.

Nimin a Serchhip District-a hri kai hmuhchhuah zinga 55 te chu Serchhip-a hri kai hmuh te an ni a, P&E Veng leh New Serchhip North-ah hri kai mi 10 ve ve hmuh niin New Serchhip South-ah 9, Chanmari Veng-ah 5, Vengchung leh Field Veng-ah mi 4 ve ve, Zozam Veng-ah 3, Bazar Veng-ah mi 2 leh AOC Veng, Chhim Veng, Dinthar Veng, Kanan Veng, Ramthlun Veng, Sailiam, Saron Veng leh Tuikhuah Veng-ah hri kai mi pakhat theuh hmuh an ni bawk.


Heng bakah hian Khawlailung-ah hri kai mi 27 hmuh niin Thenzawl leh North Vanlaiphai-ah hri kai mi 23 ve ve, Chhiahtlang-ah 19, Chhingchhip-ah 18, Lungpho-ah 4, Neihloh-ah 3, Thentlang-ah 2 leh Bungtlang-ah hri kai mi pakhat hmuh an ni bawk.


Serchhip District-a hri kai hmuh tawh chu 11,577 niin an zinga 10,478 te chu enkawl dam an ni tawh a, enkawllai 1071 an la awm a. Serchhip District-a hri kai hmuhchhuah zing a mi Vulmawii (82), Thenzawl Vengthlang chu nimin tlai dar 3:30 khan IAH CCC, Thenzawl-ah a boral ve leh thung a, heti hian Serchhip District-a hri kai hmuhchhuah mi 28 an boral ta a ni

Comments

Popular posts from this blog

Tukverh-a tlasual boral